Զառա Սահակյանի 5 ամենականացի կերպարները

 

Citrus.am-ը շարունակում է ուսումնասիրել հայ ամենահումորով կանանց ոճը: Այս անգամ մեր դիտակետում է Women’s club-ի` սարկազմի ամենամեծ սիրահարը:

Զառա Սահակյան. դերասանուհի, ով յուրաքանչյուր եթերի ընթացքում աչքի է ընկնում Լուիզա Ներսիսյանի հետ ունեցած իր փոքրիկ «հակամարտություններով»:

Դե էլ ինչ կանացի ակումբ` առանց ինտրիգների: Ինտրիգներից բացի կարևոր է նաև աղջիկների արտաքին տեսքը, իսկ այդ հարցով զբաղվում է Արայիկ Գաբաջյանը, ով ակումբի ոճաբան-դիզայներն է:  Հենց նրա հեղինակած զգեստներ են ամեն շաբաթ կրում ակումբի դերասանուհիները:

Առանձնացրել ենք Զառա Սահակյանի ամենականացի կերպարները:

«Զառան` հրաշքների աշխարհում». այսպես կարելի է բնորոշել դերասանուհու այս կերպարը, որը նա կրել է տարվա առաջին եթերներից մեկի ընթացքում: Կանացի ու թեթև կերպար է ստացվել` վինտաժային ոճի մեջ:

Գարնանային առաջին թողարկման ընթացքում աղջիկները կրում էին սպիտակ զգեստներ: Զառայի այս զգեստը հետաքրքիր լուծում ունի: Այն իսկապես կանացի ու էլեգանտ տեսք է հաղորդել դերասանուհուն: Դե իսկ կարմիր շրթներկը լրացնում է կերպարը:

Սպիտակից կտրուկ անցում` սևին: Սև երկար զգեստ` սպիտակ դետալների լրացմամբ: Հետաքրքիր լուծում է նաև ականջօղի ընտրությունը, որը Զառան կրում է միայն մեկ ականջին:

Եվս մեկ հետաքրքիր կերպար, այս անգամ արդեն մի փոքր բարդ լուծումներով:

Եվ կրկին մեկ ականջօղ, թեթևություն ու կանացիություն: Այս զգեստն իսկապես լավ տրամադրություն է հաղորդում: Այն կարելի է կրել որևէ կոկտեյլային երեկույթի ժամանակ: