Խնդիրների ամբողջական ցանկը, որոնք լուծում է ակտիվացված ածուխը

Խնդիրների ամբողջական ցանկը, որոնք լուծում է ակտիվացված ածուխը

Bestinfo.am-ը ձեր ուշադրությանն է ներկայացնում խիստ արժեքավոր մի տեղեկություն․․․ Ահավասիկ․ ակտիվացված ածուխի այն 11 հատկությունները, որոնք անչափ օգտակար են մեր մարմնի համար։

Մետեորիզմը կամ փքվածությունը վերացնող միջոց

Մարսողական համակարգում գազերի կուտակումից բոլորն էլ  բողոքում են։ Ի դեպ, առողջ մարդն օրական միջինը 14 անգամ գազեր է թողնում, իսկ ստամոքսում և աղիքներում, բնականոն պայմաններում, պարունակում են 900 սմ³ գազեր, որոնք անհրաժեշտ են աղիքների տոնուսը պահպանելու և գալարակծկանքն ապահովելու համար։ Բայց եթե ձեզ անհանգստացնում է մետեորիզմը կամ փորի հիվանդագին փքվածությունը, ակտիվացված ածուխը ձեզ անպայման կօգնի։ Հետազոտությունները ցույց են տալիս, որ ուտելուց առաջ ակտիվացված ածուխ ընդունելու շնորհիվ աղիքային գազերի ծավալը զգալիորեն կրճատվում է։

Խոլեստերինի մակարդակի նվազում

Խոլեստերինի մակարդակի բարձրացումը կրկնակի մեծացնում է սրտանոթային հիվանդություններով հիանդանալու վտանգը։  Հետազոտություններից մեկը ցույց է տվել, որ մարդիկ, որոնք մեկ ամսվա ընթացքում օրը 3 անգամ 8գ ակտիվացված ածուխ են ընդունում, նրանց «վատ» LDL խոլեստերինի մակարդակն ինջնում է 41%-ով, իսկ  «լավ» HDL-խոլեստերինի մակարդակը բարձրանում է 8%-ով։ Եվ այլևս ոչ մի ստատիններ (հակախոլեստերինիային դեղամիջոցներ)՝ իրենց կողմնակի արդյունքներով։

Առողջ երիկամների պաշտպանություն

Ամեն օր մարդու երիկամները զտում են մոտ115–140 լիտր արյուն՝ մշակելով թափոններից ու հեղուկի ավելցուկից բաղկացած 1-2 լիտր մեզ։ Լյարդի հետ զուգորդված երիկամները բնության մեջ միանգամայն կատրյալ զտիչ համակարգ են։ Սակայն սննդի հետ շաքարի, աղի, կենդանական սպիտակուցների, ճարպերի ու կոնսերվանտների թափանցումը օրգանիզմ կարող է հանգեցնել երիկամային անբավարարության։ Իսկ քանի որ ակտիվացված ածուխը նպաստում է միզանյութի և մեզում պարունակող այլևայլ թունավոր նյութերի հեռացմանը, հետևաբար օգնում է, որ երիկամներն առողջ մնան։

Սննդային թունավորումներից արագ ապաքինում

Սննդային թունավորումները բավական տարածված են։ Հենց միայն ԱՄՆ-ում ամեն տարի արձանագրվում է 48 միլիոն սննդային թունավորման դեպք։ Սրտխառնոցի, փսխուքի, փորլուծության, որովայնի ցավերից պաշտպանվելու և ծանր թունավորմանը հաջորդող կորած օրերից խուսափելու համար խորհուրդ է տրվում առաջին իսկ ախտանիշերի դեպքում անհապաղ ակտիվացված ածուխ խմել, քանի որ այն արագ չեզոքացնում է թույները։

Նուրբ մաշկի գաղտնիքը

Կեղտն ու ճարպերը լցվում են դեմքի մաշկի ծակոտիների մեջ՝ «ծերացնելով» ձեզ, իսկ դիմահարդարման շատ միջոցներ  վնասակար քիմիական նյութեր են պարունակում։ Ակտիվացված ածուխը մագնիսի պես ծակոտիներից քաշում-հանում է կեղտն ու ճարպերը՝ մաշկին վերադարձնելով մաքրությունն ու նրբություն։

Փարթամ մազեր

Այդ նույն թունավոր նյութերը, կեղտն ու ճարպերը աղտոտում են մաշկը, փչացնում մազերը՝ դրանց տհաճ յուղոտված տեսք տալով։ Ակտիվացված ածուխը մաքրում է մազարմատները՝ դրանց փայլ ու մետաքսանման տեսք հաղորդելով։ Ի տարբերություն ամբողջովին քիմիական նյութերից բաղկացած օճառահեղուկների, ակտիվացված ածուխը 100%-ով բնական, էկոլոգիապես մաքուր միջոց է։

Ատամների սպիտակեցում

Ուզո՞ւմ եք հոլիվուդյան ժպիտ ունենալ՝ առանց ատամների սպիտակեցման բարդ ու թանկարժեք ընթացակարգն անցնելու։ Դրա համար բավական է շաբաթը  2-3 անգամ ատամի խոզանակին ակտիվացված ածուխ ցանել։ Ակտիվացված ածուխը մաքրում է ատամի էմալը՝ կլանելով ատամնափառին կուտակված մանրադիտակային մասնիկները։

Բերանի խոռոչի հաճելի հոտ

Ձեզ շփոթեցնում է բերանի տհաճ հո՞տը։ Ակտիվացված ածուխն այստեղ էլ ձեզ օգնության կգա։ Սա ոչ միայն արդյունավետ հոտհանիչ միջոց է, այլև կարգավորում է բերանի խոռոչի հիմնաթթվային հավասարակշռությունը, ինչը ատամներն ու լնդերը պաշտպանում է մանրէներից և հիվանդություններից։ Ատամները մաքրեք ակտիվացված ածուխով (մի վախեցեք, այն անհամ է), ու թող ձեզ չանհանգստացնի սև գույնը․ ողողելիս այն առանց հետք թողնելու մաքրվում է։

Վաղահաս ծերացման կանխարգելում

Ակտիվացված ածուխը նպաստում է երիտասարդացմանը ոչ միայն նրա համար, որ ձեզ երիտասարդ մաշկ, շքեղ խոպապներ ու ճերմակաթույր ժպիտ է տալիս։ Ապացուցված է, որ ակտիվացված ածուխի կանոնավոր օգտագործումը օրգանիզմից դուրս է մղում թույներն ու խարամը, որոնք վնասում են օրգանիզմը, քայքայում բջիջները և արագացնում օրգանիզմի ծերացումը։ Զարմանալի չէ, որ Գվինեթ Փելթրոուն այդքան սիրում է խոսել ակտիվացված ածուխի օգտակարության մասին։

Խումհարի կանխարգելում

Նախօրեին շա՞տ եք խմել։ Երևի շատերին է հայտնի բուռն հարբեցողության հաջորդ օրվա ծանր զգացողությունը։ Բայց գլխացավից, սրտխառնոցից ու ընդհանուր խումհարային թուլությունից ազատվելու հրաշալի միջոց կա․ ակտիվացված ածուխ խմեք։ Թեև այն չի կապվում ալկոհոլի հետ, բայց հրաշալի մածուցիկացնում ու հանում է խմորման շատ կողմնակի մթերքներ, իսկ դա նշանակում է, որ առավոտյան դուք թարմ, առույգ և աշխույժ կարթնանաք։

Մարսողական համակարգի մաքրում

Միրգ ու բանջարեղենում՝ թունաքիմիկատներ, մսի մեջ՝ աճի հորմոններ, խմելու ջրում պարունակվող քիմիա․․․ Մենք ապրում ենք ծայրահեղ թունավոր պայմաններում։ Երբ այդ ամբողջ աղբը հավաքվում է մարսողական համակարգում, դա հանգեցնում է բորբոքումների և ձեզ ուժասպառ անում։ Քաջ առողջության և լավ ինքնազգացողության համար անհրաժեշտ է պարբերաբար ակտիվացված ածուխ խմել։