Ուժեղ քամին շուրջ 7 մլն. դրամի վնաս է հասցրել Նորաշենի գերեզմանատանը, վնասվել է մոտ 60 տուն

News.am-ը գրում է .

Գեղարքունիքի մարզի Նորաշեն գյուղում ուժեղ քամու հետեւանքով նոյեմբերի 14-ին, վնասվել է շուրջ 60 տան տանիք,  այդ թվում՝ գյուղի մանկապարտեզի եւ դպրոցի տանիքները եւ պատուհանի ապակիները, ինչպես նաեւ գերեզմանատան 8 շիրմաքար: Այս մասին NEWS.am-ի հետ զրույցում ասաց գյուղապետ Գերասիմ Սարգսյանը՝ հավելելով, որ մարզպետարանում ստեղծված հատոկ հանձնաժողովը ճշտում է վնասի չափերը:

«Չորս տան կտուր է ամբողջությամբ տարել, կան տներ, որ մասնակի չափերով են վնասվել: Ընդհանուր առմամբ՝ մոտ 50-60 շինություն է  վնասվել: Մասնակի վնասվել են մանկապարտեզի եւ դպրոցի տանիքները: 8 հատ գերեզմանաքար է վնասվել, որից 4-ը քամին տարել է»,-ասաց գյուղապետը:

Գերասիմ Սարգսյանի խոսքով՝ քամուց տուժածներին կրած վնասների փոխհատուցման հարցը կրկին առկախված է:

«Ոչ մի ձեւով մինչ օրս չի փոխհատուցվել վնասները: Անցյալ տարի էլ նման դեպք եղավ երկու ընտանիքի հետ, բայց ոչ ոք չփոխհատուցեց: Գյուղապետարանը որոշ չափով օգնություն տվել է, բայց այս դեպքում գյուղապետարանը ի վիճակի չի փոխհատուցում տալ: Մոտավորապես 1500քմ կտուր է ավերվել, լալվարից քարեր են վնասվել, ամեն մի քարը միլիոնուկեսանոց քարեր են, որ հաշվես  6-7 միլիոնի վնաս է հասցվել»,-նշեց գյուղապետը:

Գերասիմ Սարգսյանը նշեց, որ գյուղն այսօր նաեւ հոսանքազրկվել է, վնասվել են նաեւ էլեկտրասյուները:

Գեղարքունիքի մարզպետարանի աշխատակիցները այցելել են տուժածներին, սակայն, ըստ գյուղապետի, փոխհատուցման մասին հստակ ոչինչ չի ասվե: