Փաշինյանի խոստացած որոշումը կայացվեց․ ՀԴՄ-ները կտրամադրվեն 60000 դրամով

Հիմք ընդունելով ՀՀ կառավարության 2017թ. հուլիսի 20-ի թիվ 861-Ն որոշման 1-ին կետի 2-րդ ենթակետը, ՀՀ ԿԱ ՊԵԿ նախագահի 19.01.2018թ.-ի 21-Ա հրամանի համաձայն, Հսկիչ-դրամարկղային մեքենայի (մեկ հատի) իրացման գին էր սահմանվել 160000 դրամը: Այս մասին NEWS.am-ը տեղեկանում է ՊԵԿ տեղեկատվության և հասարակայնության հետ կապերի բաժնից։

Ս.թ. փետրվարի 5-ի ՊԵԿ նախագահի թիվ 67-Ա հրամանով հսկիչ-դրամարկղային մեքենայի (մեկ հատի) իրացման գինը սահմանվել է 60000 դրամ:

ՊԵԿ-ը միաժամանակ տեղեկացնում է, որ հարկ վճարողները կարող են հսկիչ-դրամարկղային մեքենաների գինը վճարել ամբողջությամբ, միանվագ, կամ իրենց ցանկությամբ` ամսական համամասնությամբ 2 տարվա ընթացքում տարաժամկետ վճարումներով:

Հիշեցնենք, վարչապետ Նիկոլ Փաշինյանը ֆեյսբուքյան էջում գրառում էր արել՝ նշելով, որ ՊԵԿ նախագահը որոշում կկայացնի նոր սերնդի ՀԴՄ-ները 160 հազար դրամի փոխարեն 60 հազար դրամով տրամադրել այն սուբյեկտներին, որոնց համար օրենքի ուժով նման ՀԴՄ-ներ ունենալը պարտադիր է դարձել ս/թ հունվարի 1-ից:

Այս թեմայով Փաշինյանն իրագործում է ԱՄՆ ճանապարհային քարտեզը Թրամփը շնորհավորել է Փաշինյանին ՀՀ վարչապետի պաշտոնում ընտրվելու առթիվ ՀՀ վարչապետ Նիկոլ Փաշինյանը ՊՆ–ում ներկայացրել է նորանշանակ նախարար Դավիթ Տոնոյանին ՌՀՄ-ում քննարկվել է Նիկոլ Փաշինյանին աջակցելու ցույցերի անցկացման ձևաչափը Նիկոլ Փաշինյանի «մաստեր կլասը» և մեր ոչ լեգիտիմ ԱԺ-ի թշվառությունը. Արման Վարդանյան