Հետհեղափոխական տրամադրությունն ու նախարար Ջանջուղազյանի դրամադրությունը

Տարբեր գերատեսչությունների ու կառույցների պարգևատրումների ֆոնին մի տեսակ տպավորություն էր ստեղծվել, որ այս կամ այն կառույցը ընտրվել է որպես քավության նոխազ և նետվել է քոմենթահայության անդաստաններրը՝ հոշոտվելու և բարձրյալի զայրույթին արժանանալու: Զի որքան զայրացած է բարձրյալը, նույնքան՝ գրգռված այս կամ այն պաշտոնը կպցնելու տարբեր մարդկանց ախորժակը:

Ինչու՞ է հենց այդպիսի տպավորություն: Որովհետև, ի տարբերություն շատ այլ կառույցների, որոշ նախարարություններ ավելի հեռուն են գնացել ինքնապարգևատրվելու գայթակղության մեջ: Ասենք՝ ֆինանսների նախարարի օգնականը առավել մեծ պարգևավճար է ստացել, քան, օրինակ, ՊԵԿ-ի ղեկավարի խորհրդականը: Ինչու ենք ֆիքսում այս փաստը, որովհետև խորհրդականի պաշտոնը օգնականի պաշտոնից բարձր է:

Առավել հետաքրքիր է այն փաստը, որ մեր ունեցած տեղեկություններով նման պարգևատրումներ երբեք չեն եղել ֆիննախում, մինչդեռ նույն Պետական եկամուտներրի կոմիտեում միշտ պարգևատրումները շատ ավելի բարձր են եղել: Ասենք, ամենադրական նախարար համարվող Արամյանի օրոք անգամ Ֆիննախում պարգևավճարները արգելված են եղել: Ֆինանսների նախարարության պաշտոնյաները անգամ իրենց վարդագույն երազներում երբեք չէին երազի նման ՛՛պրեմիաների՛՛ մասին... Մինչդեռ երկրում երկու իրավիճակ է իրավիճակ է փոխվել՝ մարդկանց տրամադրությունն ու Ատոմ Ջանջուղազյանի դրամադրությունը...

Եվ, ընդունենք, որ առաջին անգամ պարգևատրվելու համար այս թվերը շատ մեծ են, անամոթության հասնող մեծ...

1. Ֆինանսների նախարար Ատոմ Ջանջուղազյան՝ 5 մլն 480 հազար դրամ,

2. Ֆինանսների փոխնախարար Արման Պողոսյան՝ 5 մլն 22 հազար 100 դրամ,

3. Ֆինանսների փոխնախարար Կարեն Բրուտյան (Ատոմ Ջանջուղազյանի սանիկը)՝ 7 մլն 017 000 դրամ,

4. ՖՆ գլխավոր քարտուղար Վազգեն Հարությունյան՝ 4 մլն 819 000 դրամ,

5. Ֆինանսների փոխնախարար Արմեն Հայրապետյան՝ 2 մլն 522 000 դրամ,

6. ՖՆ գլխավոր քարտուղարի տեղակալ Արման Ադիլխանյան՝ 3 մլն 497 000 դրամ,

7. ՖՆ բաժնի պետ Վահագն Արշակյան՝ 2 մլն 735 000 դրամ,

8. ՖՆ պետգնումների վարչության պետ Սերգեյ Շահնազարյան՝ 3 մլն 309 000 դրամ,

9. ՖՆ բյուջետային գործընթացի կառավարման վարչության պետ Լալա Անանիկյան՝ 3 մլն 619 000 դրամ,

10. ՖՆ մամլո քարտուղար Աննա Վարդանյան՝ 2 մլն դրամ,

11. Ֆինանսների նախարարի օգնական Տաթևիկ Պետրոսյան՝ 2 մլն 577 000,

12. ՖՆ բաժնի պետ Էդգար Մկրտչյան (ՖՆ նախարարի սանիկի քրոջ որդին)՝ 2 մլն 725 000 դրամ,

13. ՖՆ ֆինանսաբյուջետային վարչության պետի տեղակալ Վարուժան Բադանյան՝ 3 մլն 236 000։

Նկատենք, որ պարգևավճարները երբեք այսքան բարձր չեն եղել որևէ գերատեսչությունում, այդ թվում՝ ՀՀ ֆինանսների նախարարությունում:

Past.am