Խաղաղությունն իմ միակ ցանկությունն է. մոդել Անիտա Հարությունյանը ադրբեջանցիների հետ արված լուսանկարի մասին

Երեկ մոդել Անիտա Հարությունյանը ֆեյսբուքյան իր էջում լուսանկար է հրապարակել, որտեղ ազգությամբ  ադրբեջանցի ու թուրք երիտասարդների հետ է: 
 Լուսանկարին կից մոդելը գրել էր. «Խաղաղություն թող լինի, մեր և հարևան պետության միջև»:

Սա, իհարկե, լայն արձագանք ստացավ համացանցում և Անիտա Հարությունյանը միանգամից  հայտնվեց սոցիալական ցանցերի և լրատվամիջոցների ուշադրության կենտրոնում:

Past.am -ի հետ զրույցում մոդելը նշեց, որ լուսանկարն արված է անցած տարի՝ Վրաստանում տեղի ունեցած գեղեցկության մրցույթի ժամանակ:

«Մրցույթի ժամանակ բոլորս հավասար ենք: Նրանք խնդրեցին լուսանկարվել, ես էլ չմերժեցի»,-նշում է Անիտան:

Մեր հարցին, թե Ասյա Խաչատրյանի նախադեպից հետո արդյոք չի վախենում քննադատվել հասարակության կողմից՝  հարևան երկու երկրների հետ խաղաղության նմանօրինակ քարոզի համար, Անիտա Հարությունյանը պատասխանեց. «Ես, իհարկե, չեմ վախենում բարձրաձայնել, քանի որ ես մոդել եմ, կարող եմ լինել տարբեր տեղերում, նույնիսկ՝ Ադրբեջանում: Խաղաղությունն իմ միակ ցանկությունն է...»:

Հարցազրույցի վերջում Անիտա Հարությունյանը ավելացրեց նաև, որ այս պահին գտնվում է  Ստամբուլում,  իսկ հունվարի 22-ին պատրաստվում է Մոսկվայում մասնակցել Victoria's Secret-ի ցուցադրություններից մեկին։