Հարավային Աֆրիկայում մայրը դանակահարել է դստեր բռնաբարիչին եւ հրաշքով խուսափել բանտից

Երբ մայրը տեսել է, թե ինչպես է հանցագործների ավազակախումբը բռնաբարում դստերը, երկար չի մտածել եւ վերցրել է դանակն ու սպանել նրանցից մեկին, եւս երկուսը լուրջ վիրավորվել են, տեղեկացնում է Life-ը՝ հղում կատարելով Mirror-ին։

57-ամյա խիզախ կինը, որին մայր առյուծ են անվանել, երկու մղոն վազել է հարձակումը կանգնեցնելու համար։ Բայց արդյունքում նրան մեղադրել են սպանության մեջ։

Կինը, որի անունը չի հրապարակվում գաղտնիության նպատակներով, ընթրիք էր պատրաստում իր տանը, Հարավային Աֆրիկայի իր գյուղում, երբ նրա մոտ է վազել վախեցած ընկերուհին։ Նա պատմել է, որ երեք տղամարդ բռնել են նրա 27-ամյա դստերը, քարշ տվել դեպի շենք, հանել շորերն ու սկսել բռնաբարել։

Այն բանից հետո, երբ մայրը չի կարողացել կապվել տեղի ոստիկանության հետ, ձեռքն է վերցրել դանակն ու վազել փրկելու աղջկան։ Կինը վազել է երկու մղոն եւ նոր միայն լսել աղջկա ճիչերը։ Նա հանկարծակիի է բերել երեք մերկ տղամարդկանց ու լուրջ վնասվածքներ հասցրել նրանց։

Այն բանից հետո, երբ աղջկա մորը սպանության եւ երկու մահափորձի մեղադրանք է ներկայացվել, տեղի բնակիչները խռովություն են բարձրացրել։ Նրանք ավելի քան $12 հազար են հավաքել կնոջ պաշտպանության համար, եւ երեք շաբաթ անց բոլոր մեղադրանքները հանվել են։ Արդյունքում՝ երկու բռնաբարիչները դատապարտվել են 30 տարվա բանտարկության, իսկ փաստը, որ նրանք դանակի լուրջհարվածներ են ստացել, նրանց փրկել է ցմահ բանտարկությունից։

Հավաքված փողերը կինը, որն ապրում է փոքրիկ հյուղակում դստեր հետ միասին, պատրաստվում է ծախսել տեղափոխության վրա։