«Հաղթանակ» կամրջից ինքնասպանության փորձը կանխվել է (թարմացված)

21։55


Քիչ առաջ ինքնասպանության փորձը կանխվել է։ 

Այս մասին Tert.am-ի հետ զրույցում հայտնեց ԱԻՆ մամուլի խոսնակ Սաթենիկ Ասիլյանը։ 


21։45


ԱԻՆ մամուլի խոսնակ Սաթենիկ Ասիլյանը Tert.am-ի հետ զրույցում ներկայացրեց, որ կամրջի եզրագիծ անցած երկու տղամարդիկ 30-ն անց են: Նրանք մանկատան սաներ են եղել. սոցիալական և բնակարանային պահանջով են հանդես գալիս:

«Այս պահին արտակարգ իրավիճակների նախարարությունից մեկ մարտական հաշվարկ, ճգնաժամային կառավարման խումբը, հոգեբանները տեղում են, աշխատում են նրանց հետ»,- ասաց նա:

Սաթենիկ Ասիլյանը հաստատեց, որ ինքնասպանություն անել փորձողները ցանկանում են հանդիպել վարչապետի պաշտոնակատար Նիկոլ Փաշինյանի հետ: «Իրենք ունեն բնակարանային խնդիր: Ասում են, որ իրենք մանկատան սաներ են եղել: Մանկատան սաներին բնակարաններ են բաժանվել, իրենց բնակարան չեն հատկացրել: Այդ խնդիրն են նրանք ներկայացնում»,- ասաց նա։

 

----------------------


2 տղամարդ «Հաղթանակ» կամրջի վտանգավոր եզրագիծն անցել են և սպառնում են իրենց ցած նետել:

Այս մասին հայտնում է shamshyan.com-ը։

Այս պահին դեպքի վայր են ժամանել ոստիկանության և Արտակարգ իրավիճակների նախարարության փրկարար ծառայության մեծ թվով աշխատակիցներ, ԱԻՆ ՓԾ ճգնաժամային կառավարման ազգային կենտրոնի օպերատիվ խումբը և հոգեբան փրկարարներ:

Նշված տղամարդիկ պահանջում են հանդիպում վարչապետի պաշտոնակատար Նիկոլ Փաշինյանի հետ ու այս պահին հրաժարվում են որևէ մեկի հետ բանակցություններ վարել:

Ոստիկանությունը պարզում է նշված անձանց ինքնությունը: