«Լիվերպուլն» անակնկալ պարտվեց, կենտրոնական խաղերը ոչ-ոքի ավարտվեցին. Չեմպիոնների լիգա

«Լիվերպուլն» իր վրա գրավեց ուշադրությունը Չեմպիոնների լիգայի 2018-19 մրցաշրջանի խմբային փուլի 4-րդ տուրում: Երեկ՝ նոյեմբերի 7-ին, անսպասելի պարտություն կրեց մի խաղում, որում ֆավորիտ էր: Հյուրընկալվելիս 0:2 պարտվեց «Ցրվենա Զվեզդային»:

Այս խաղում դուբլի հեղինակ դարձավ Միլան Պավկովը: Նա աչքի ընկավ 22-րդ րոպեին անկյունայինի խաղարկումից հետո եւ 29-րդ րոպեին գեղեցիկ հարվածով:

«Մերսիսայդցիների» բախտը, սակայն, մրցաշարային առումով բերեց: C խմբի մյուս խաղում, որը նաեւ տուրի կենտրոնական հանդիպումներից մեկն էր, հաղթող չեղավ: «Նապոլի»-ՊՍԺ հանդիպումն ավարտվեց 1:1: Հաշիվն առաջին կեսին ավելացված ժամանակում՝ 47-րդ րոպեին, բացեց Խուան Բերնատը: 2-րդ խաղակեսում իտալական թիմը 11-մետրանոցի իրավունք ստացավ, որը 63-րդ րոպեին անվրեպ իրացրեց Լորենցո Ինսինյեն:

Այս խաղերից հետո «Լիվերպուլը» 6 միավորով մնաց խմբի առաջին տեղում: «Նապոլին» նույնպես 6 միավոր ունի ու 2-րդն է: ՊՍԺ-ն 3-րդ հորիզոնականում է (5), իսկ «Ցրվենա Զվեզդան» 4 միավորով եզրափակում է մրցաշարային աղյուսակը:

Տուրի կենտրոնական մյուս խաղում ոչ-ոքի խաղացին «Բարսելոնան» ու «Ինտերը»՝ 1:1: Գոլերն այս խաղում խփվեցին հանդիպման վերջում: 83-րդ րոպեին «կապտանռնագույնների» կազմում հաշիվը բացեց Մալկոմը: 4 րոպե անց Մաուրո Իկարդին խփեց պատասխան գնդակը:

B խմբի մյուս խաղում «Թոթենհեմը» հաղթեց ՊՍՎ-ին: Լոնդոնցիները տանը մրցակցի նկատմամբ առավելության հասան 2:1:

Երեկ մյուս խաղերում գրանցվեցին հետեւյալ արդյունքները.

«Մոնակո»-«Բրյուգե» 0:4

«Ատլետիկո»-«Դորտմունդ» 2:0

«Շալկե»-«Գալաթասարայ» 2:0

«Պորտու»-«Լոկոմոտիվ» 4:1

Այսօր կկայանան այս խաղերը.

ԲԿՄԱ Մոսկվա-«Ռոմա»

«Վալենսիա»-«Յանգ Բոյզ»

«Բենֆիկա»-«Այաքս»

«Բավարիա»-ԱԷԿ

«Մանչեստեր Սիթի»-«Շախտյոր Դոնեցկ»

«Լիոն»-«Հոֆենհայմ»

«Պլզեն»-«Ռեալ Մադրիդ»

«Յուվենտուս»-«Մանչեստեր Յունայթեդ»