Ինդոնեզիայի իշխանությունները հաստատել են կործանված Boeing-ի տեխնիկական անսարքությունների առկայությունը

Lion Air ավիաընկերության Boeing 737 ինքնաթիռում, դրա կործանվելուց մեկ օր առաջ, հայտնաբերվել են տեխնիկական անսարքություններ, այդ թվում՝ արագության սարքերի ցուցմունքները: Այդ մասին հոկտեմբերի 30-ին հայտնել Է Ինդոնեզիայի տրանսպորտում անվտանգության ապահովման կոմիտեի փոխղեկավար Հարիո Սաթմիկոն: Նրա խոսքով՝ «հանգամանքները հետաքննվում են», տեղեկացնում Է «Արմենպրես»-ը:

Ավելի վաղ Lion Air ավիաընկերության գործադիր տնօրեն Էդվարդ Սիրայիտն ընդունել Է «ստեղծված տեխնիկական խնդիրը, որը լուծվել Էր ընթացակարգին համապատասխան» հանրանավի նախորդ թռիչքի ժամանակ: Դրա հետ մեկտեղ նա հրաժարվել Է նշել անճշտության բնույթը:

Ինչպես հոկտեմբերի 30-ին հայտնել Է Detik նորությունների պորտալը, «տեխնիկական անճշտությունը շատ ավելի լուրջ Է եղել, քան պնդում Է Lion Air ավիաընկերության ղեկավարությունը:

Մասնավորապես, հրատարակության տվալներով, խոսքը օդանավի հրամանատարի մոտ նավիգացիոն սարքերի ինդիկատորների պանելի շարքից դուրս գալու մասին Է:

Հրահանգի համաձայն, նշում Է պորտալը, «անձնակազմը պարտավոր Էր օդանավակայան վերադառնալ, դրա փոխարեն թռիչքը շարունակվել Է»: Lion Air բյուջետային ավիաընկերության Boeing 737-ը հոկտեմբերի 29-ին կատարում Էր JT610 չվերթը Ջակարտայից Պանկալպինանգ քաղաք (Բանգկա Բելիտունգի նահանգի վարչական կենտրոն): Մայրաքաղաքի օդանավակայանից թռիչքից մոտավորապես 13 րոպե անց առայժմ չպարզված պատճառով այն ընկել Է Ճավայի ծովը: Ինքնաթիռում եղել Է 189 մարդ, հաղորդել Է ՏԱՍՍ-ը: