12 իրական վայրեր, որոնցից ոգեշնչվել է «Disney»-ը

Blognews.am-ը գրում է.

Դիսնեյյան ֆիլմերի աշխարհները երևակայության արդյունք են, սակայն դրանց հիմքում իրական վայրեր են, որոնք գտնվում են մեր մոլորակի վրա։ Ահա դրանցից միայն մի քանիսը.

 1  Քնած գեղեցկուհի – Նոյշվանշտայն դղյակ, Բավարիա, Գերմանիա

«Քնած գեղեցկուհի» անիմացիոն ֆիլմի արքայական դղյակը ներշնչված է Գերմանիայի Բավարիա բնակավայրում գտնվող Նոյշվանշտայն դղյակից։ Այս դղյակը կառուցվել է Բավարիայի Լյուդվիգ երկրորդ արքայի կողմից 1892թ.-ին որպես անձնական նստավայր՝ ի պատիվ Ռիչարդ Վագների՝ իր սիրելի երաժիշտի։ Լյուդվիգ երկրորդը հայտնի արվեստասեր էր, ով բազմաթիվ գեղեցիկ կառույցներ է ժառանգություն թողել Բավարիայի տարածքում իր մահից հետո։

 2  Գեղեցկուհին ու հրեշը - Էլզաս, Ֆրանսիա

«Գեղեցկուհին ու հրեշը» անիմացիոն ֆիլմի այս փոքրիկ գյուղական հրապարակը ոգեշնչված է Ֆրանսիայի Էլզաս բնակավայրից, որը գտնվում է Ֆրանսիայի հյուսիսարևմտյան հատվածում և Եվրոպայի պատմության մեջ հիմնականում քաղաքական առումով Գերմանիային է պատկանել։ Որպես այդպիսին, այն իրենից ներկայացնում է գերմանական ու ֆրանսիական մշակույթների միաձուլում։

 3  Ռապունցել - Խճճված պատմություն, Նորմանդիա, Ֆրանսիա

«Ռապունցել» անիմացիոն ֆիլմում Կորոնայի թագավորությունը Ֆրանսիայի Նորմանդիա շրջանի Մոն Սեն Միշել կղզի-ամրոցից է ներշնչվել։ Այս յուրահատուկ կղզին կտրվել է հիմնական ցամաքային տարածքից մակընթացային ջրերի պատճառով։

 4  Վերև - Անխելի ջրվեժ, Վենեսուելա

Դրախտային ջվեժը, որը կարելի է տեսնել «Վերև» անիմացիոն ֆիլմում, ներշնչված է Վենեսուելայում գտնվող Անխելի ջրվեժից։ 979 մետր բարձրություն ունեցող ջրվեժն աշխարհի ամենաբարձր ջրվեժն է համարվում, որը գահավիժում է Աույանտեպույա ժայռի բարձունքից։

 5  Ալադին – Թաջ Մահալ, Ագրա, Հնդկաստան

«Ալադին» անիմացիոն ֆիլմում սուլթանի պալատը ոգեշնչված է Հնդկաստանի Ագրա քաղաքում գտնվող Թաջ Մահալից։ Թաջ Մահալը կառուցվել է Շահ Ջահան կայսեր կողմից 1632թ․-ին իր կնոջ՝ Մումթազ Մահալի համար։

 6  Կայսեր արկածները – Մաչու Պիչու, Կուզկո, Պերու

«Կայսեր արկածները» մուլտֆիլմում ներկայացվող Պաչա գյուղը ոգեշնչվել է Պերուում գտնվող Մաչու Պիչուից։ Ինկերի առեղծվածային այս բնակատեղին գտնվում է 2430մ բարձրության վրա և եղել է Պաչակուտի կայսեր նստավայրը։ Իսպանական ներխուժումից հետո վայրը լքված է մնացել ու մոռացվել արտաքին աշխարհի կողմից, մինչև 1911թ.-ին այն վերահայտնաբերվել է։

 7  Մուլան – Արգելված քաղաք, Պեկին, Չինաստան

«Մուլան» անիմացիոն ֆիլմում կայսեր տունը ոգեշնչված է Չինաստանի Պեկին քաղաքի «Արգելված քաղաքից»։ Չնայած այժմ այն բաց է զբոսաշրջիկների համար, ժամանակին այն ծառայել է որպես Մին և Քին դինաստիաների կայսրերի նստավայր։ Թանկարժեք պալատն «Արգելված» էր համարվում, որովհետև այն կայսեր նստավայրն էր, և ոչ ոք չէր կարող ներս մտնել կամ դուրս գալ այնտեղից առանց նրա թույլատրության։

 8  Կուզիկը Նոթր Դամից – Փարիզի Աստվածամոր տաճարը, Ֆրանսիա

«Կուզիկը Նոթր Դամից» մուլտֆիլմի տաճարը Փարիզի Աստվածամոր տաճարն է։ Խորհրդանշական այս տաճարը գոթական ճարտարապետության ամենահայտնի նմուշներից է աշխարհում։ Այն կառուցելու համար գրեթե 200 տարի է պահանջվել։

 9  Փոքրիկ ջրահարսը – Շիլիոն ամրոց, Ժնև լիճ, Շվեյցարիա

«Փոքրիկ ջրահարսը» մուլտֆիլմում արքայազն Էրիկի դղյակը ոգեշնչված է Շվեյցարիայում գտնվող Ժնև լճի ափին գտնվող Շիլոն ամրոցից։ Ամրոցը կառուցվել է Հռոմեական կայսրության տարիներին՝ Ալպերը տանող ճանապարհը հսկելու նպատակով։ 

 10  Ռալֆ – Նյու Յորքի կենտրոնական կայարան, ԱՄՆ

Խաղային կենտրոնական կայանը, որը կարելի է տեսնել «Ռալֆ» մուլտֆիլմում, ոգեշնչված է Նյու Յորքի Կենտրոնական կայարանից։ Կայարանը քանդվել ու վերակառուցվել է իր այժմյան տեսքով 1913թ.-ին։ Խորհրդանշական այս կայարանն ակտիվորեն օգտագործվում է մինչև այսօր՝ չնայած այն պայթեցնելու սպառնալիքներին։

 11  Մեքենաները – Յու-Դրոփ Ինն, Շեմրոք, Տեխաս

«Մեքենաներն» անիմացիոն ֆիլմում Ռամոնի տունը ոգեշնչվել է Տեխասի Շեմրոք բնակավայրում գտնվող Յու-Դրոփ Ինն գազալցակայան-ռեստորանից։ Այն բանից հետո, երբ 66 մայրուղին փակվեց, այս վայրը նույնպես փակվեց։ Այժմ, սակայն, այն արվեստի ազգային ճարտարապետական հուշարձան է դարձել, ինչպես նաև «Tesla» էլեկտրական մեքենաների լիցքավորման կայան։

 12  Սպիտակաձյունիկ, Սեգովիա դղյակ, Իսպանիա

«Սպիտակաձյունիկի» թագուհու դղյակը ոգեշնչվել է Իսպանիայի կենտրոնում գտնվող Սեգովիայի Ալկազար դղյակից։ Հարյուրավոր տարիների ընթացքում այն օգտագործվել է իսպանական տարբեր միապետերի կողմից, մինչև 1862թ.-ին այն վնասվեց հրդեհից։ Այն գտնվում է երկու գետերի հատման մոտ գտնվող ժայռի գագաթին։