Երևանում բացվեց ֆրանսահայ երգիծանկարիչ Ռընե Հովիվի «Վերադարձ դեպի Արարատ» ցուցահանդեսը (տեսանյութ)

Երևանի Նորարար փորձառական արվեստի կենտրոնում բացվեց ֆրանսահայ երգիծանկարիչ Ռընե Հովիվի «Վերադարձ դեպի Արարատ» ցուցահանդեսը։ Ցուցահանդեսի կազմակերպիչները հնարավորին չափ փորձել էին ներկայացնել երգիծանկարչի ստեղծագործության ժամանակագրական և թեմատիկ ամբողջական պատկերը։ Ֆրանսիայում մեծ ճանաչում ունեցող նկարիչի ցուցահանդեսի առիթով Հայաստան էին եկել նաև ընտանիքի անդամները։

Ներկա արվեստագետներն էլ ցավով արձանգրեցին, որ Հայաստանի արվեստասեր հանրությունը Ռընե Հովիվին չգիտեր, իսկ «Վերադարձ դեպի Արարատ» ցուցահանդեսը Ռընե Հովիվ արվեստագետին հայտնագործելու լավ առիթ է։

Բանաստեղծ Տիգրան Պասկևիչյանն էլ Երևանում Ռընե Հովիվի ցուցահանդեսը  կաևոր իրադարձություն է  համարում։ Բանաստեղծը խոսեց ցուցահանդեսի բացման արարողության ընթացքում ներկայացված նկարչի հոր՝ Վահան Հովիվյանի «Դեր Զօրից մինչև Սիբիր կամ կեանքի ելևէջներ» գրքի մասին։

«Ուզում եմ խոսել նաև «Դեր Զօրից մինչև Սիբիր կամ կեանքի ելևէջներ» հուշագրույթան մասին, որը շատ յուրահատուկ գործ է։ Մարդը մոտավորապես 1908 թվականից ինչ հիշում էր՝ 4 տարեկանից, հիշելով գրի է առել 8 տարեկանից, մինչև Լիբանան հասներ, հետո՝ ֆրանսիա, որտեղից արդեն  1947-ին ներգաղթեր ՀՀ, հետո աքսորվել Սիբերի և այլն։ Մոտավորպես 60-ամյա մի ժամանակաշրջան՝ գրած ամենայն մանրամասնությամբ։ Մի բառով կարող եմ ասել՝ այն 20 -րդ դարի հայ կյանքի հանրագիտարանն է»,- ընդգծեց Տիգրան Պասկևիչյանը։

Ռընե Հովիվի որդին՝ Լորեն Հովիվյանն էլ շնորհակալություն հայտնեց կազմակերպիչներին՝ նկատելով, որ ցուցահանդեսը նման է իրենց տանը՝ այնտեղ է ամեն բան այս կերպ խառն է։

«Այստեղ դուք տեսնում եք մեր հոր կատարած բոլոր աշխատանքները։ Այպիսով 2 մեծ իրադարձություն է՝ հորս ցուցահանդեսը և պապիս գիրքը։ «Դեր Զօրից մինչև Սիբիր կամ կեանքի ելևէջներ» գրքը նվիրված է պապիկիս անցած դժվար ուղուն, և այդ ժառանգությունը գտել ենք մեր հոր մահից շատ երկար ժամանակ հետո»,- պատմեց նա։

Ֆրանսիայում մեծ ճանաչում ունեցող նկարիչը՝ Ռընե Հովիվը, 1960-ականներից մինչև իր մահը՝ 2005 թվական, համագործակցել է ֆրանսիական հեղինակավոր մի շարք թերթերի և ամսագրերի հետ, հրատարակել մեկ տասնյակից ավելի ալբոմներ և կոմիքսների գրքեր։

Նշենք, որ ցուցահանդեսը բաց է լինելու մինչև հոկտեմբերի 12-ը։


Մանրամասները՝ տեսանյութում։