Հրշեջ-փրկարարները մարել են խոտածածկ տարածքներում բռնկված հրդեհները

 Սեպտեմբերի 16-17-ը ՀՀ ԱԻՆ ՓԾ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ: Այս մասին տեղեկացրին ՀՀ ԱԻՆ-ից: 

Մասնավորապես՝ Երևան քաղաքի Նուբարաշենի 13-րդ փողոցի թիվ 1 հասցեում գտնվող 95-րդ դպրոցի բակում այրվել է մոտ 2000 քմ խոտածածկույթ, Արին-Բերդի փողոցի թիվ 12 հասցեի մոտակայքում՝ մոտ 3500 քմ, Ավան Առինջ 2-րդ միկրոշրջանի թիվ 2/9 շենքի մոտակայքում՝ մոտ 750 քմ և ջերմահարվել՝ 4 ծառ, Ավանի գերեզմանատանը՝ մոտ 2000 քմ, Հրազդանի կիրճում՝ Թումոյի այգու մոտակայքում՝ մոտ 2000 քմ, Կարապետ Ուլնեցու փողոցում գտնվող նախկին գնացքի գծերի մոտակայքում՝ մոտ 200 քմ, Կոտայքի մարզի Հրազդան քաղաքի Կոճոռ թաղամասում՝ քաղաքային գերեզմանատանը՝ մոտ 2 հա, նախկին կարգապահական գումարտակին հարակից հանդավայրում՝ մոտ 2 հա և 3 հա, Ջրվեժ գյուղի 13-րդ փողոցի մոտակայքում՝ մոտ 400 քմ, Բյուրեղավան քաղաքի գերեզմանատան մոտակայքում՝ մոտ 2000 քմ, Գետամեջ գյուղի 5-րդ փողոցի մոտակայքում՝ մոտ 5 հա, Աբովյան քաղաքի մարզադաշտի ետնամասում՝ մոտ 5000 քմ, Սարալանջ թաղամասի գերեզմանատանը՝ մոտ 300 քմ, Չարենցավան քաղաքի 2-րդ թաղամասի 5-րդ շենքի մոտ՝ 3000 քմ, Ֆանտան - Հրազդան ավտոճանապարհի 1-ին կմ-ի աջակողմյան հատվածում՝ մոտ 5 հա, Գեղարքունիքի մարզի Սևան քաղաքում՝ գերեզմանատանը՝ մոտ 300 քմ, Վայոց ձորի մարզի Վայք քաղաքի գերեզմանատան մոտակայքում՝ մոտ 6000 քմ, Արագածոտնի մարզի Ոսկեվազ գյուղի վերջնամասում՝ մոտ 2500 քմ բուսածածկույթ և 500 քմ խաղողի այգի, Տավուշի մարզի Իջևան քաղաքի Սպանդարյան փողոցում՝ մոտ 500 քմ, Լոռու մարզի Կաթնառատ գյուղում՝ 4-րդ փողոցի թիվ 42 տան բակում՝ մոտ 700 հակ պահեստավորած անասնակեր, Սյունիքի մարզի Սրաշեն գյուղի վերջնամասում՝ մոտ 5 հա, Սիսիան քաղաքի գերեզմանատան վերջնամասում՝ մոտ 2000 քմ, Տոլորս գյուղի վերջնամասում՝ մոտ 5000 քմ, Քաջարան գյուղի սկզբնամասում՝ մոտ 1000 քմ, Կապան քաղաքի Արզումանյան փողոցի սկզբնամասում՝ մոտ 500 քմ, խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: