666. ի՞նչ մոգական ուժ կա այդ թվի մեջ և ի՞նչ է այն նշանակում

Մենք գիտենք, որ...

Սատանայի թիվը 666–ն է։

Սա այն հրեշի թիվն է, որն իբր գալու է աշխարհը թագավորելու Մեծ դատաստանից առաջ։ Այս թիվը նշվում է Ավետարանում՝ Հայտնությունում։ Ներկայումս այս թվի հետ կապված անգամ հիվանդություն կա շատ բարդ անունով՝ հեքսակոսիոիհեքսեկոնտահեքսաֆոբիա՝ վախ 666 թվից։ Հիվանդության ախտանիշները սովորաբար ներառում են ծայրահեղ անհանգստություն, ահ ու խուճապ, արագ շնչառություն, սրտի անկանոն ա շ խ ա տ ա ն ք , սրտխառնոց , բերանի չորություն, նախադասությունները հստակ ձևակերպելու անկարողություն, դողէրոցք և այլն՝ 666 թվին հանդիպելիս։

Իրականում ներկայումս գտնում են, որ այդ թիվը 616–ն է։ 2–րդ դարում ապրած Իրինեյ Լիոնսկին (հոգևորական) գտնում էր, որ ճիշտ թիվը 616–ն է։ Դեռևս Ֆ. Էնգելսն է վերլուծել Աստվածաշունչը և նորից եկել այդ եզրակացության։ Իսկ 2005 թվականին Դեյվիդ Պարկերի գլխավորած պալեոգրաֆ–գիտնականների խմբի կողմից թարգմանվել է Սուրբ գրքի ամենահին ձեռագրերից մեկը (1700 տարեկան պապիրուս՝ գտնված Եգիպտոսում) և եզրակացվել, որ հրեշի թիվը 616–ն է։

Իսկ իրականում ինչ է նշանակում այդ թիվը։ Հնում տառերը նշանակում էին նաև թվեր։ Այդ պատճառով անվան տառերին համապատասխան թվերը գումարելով կարելի էր ստանալ անվան թիվը։ Այս դեպքում տրված է անվան թիվը որպես կոդ, որը վերծանելով՝ կարելի է ստանալ հրեշի անունը։

Օրինակ, Ներոնի անունը լատիներենից վերծանելով (Neron Kesar)՝ ստացվում է 666, նույնը նաև Դոմիցիան կայսրինը՝ հուներենից, Նապոլեոնը՝ ֆրանսերենից, անգամ Հռոմի պապի պաշտոնի անունից (Vicarius Filii Dei) կարելի է ստանալ այդ թիվը։

Իսկ ընդհանրապես, եթե հավատանք որևէ թվի, ապա չպետք է օգտագործենք որոշ ամենօրյա բաներ։

Դոլար– լայնությունը հավասար է 66,6 մմ:

Ռուլետկա– Այն պարզապես «սատանայական մեքենա» է. նրանում եղած բոլոր թվերի գումարը 666 է:

Բջջային հեռախոս– Եթե ստեղնաշարի երեք շարքերի թվերը գումարենք, կստացվի 666. 1 +2 +3 = 6, 4 +5 +6 = 15, իսկ 1 +5 = 6, 7 +8 +9 = 24, իսկ 2 +4 = 6:

Visa քարտեր– Վճարային այս համակարգի անվանումը ոմանք թարգմանում են այսպես. VI–ը հռոմեական 6–ն է, S–ը` հունական, իսկ A–ն` բաբելոնյան: Ընդհանուրը` 666: 

Շտրիխ կոդ– Ամբողջ աշխարհում ընդունված ստանդարտ շտրիխ կոդը, որպես պաշտպանիչ նշաններ, ունի երեք վեցնյակներ, որոնք նշված են երկու բարակ երկար գծերով` շտրիխ կոդի սկզբում, մեջտեղում և վերջում: Կրեդիտ քարտերը ևս օգտագործում են կոդավորման այս տեսակը:

Ինտերնետ –www–հապավումը բացվում է այսպես՝ World Wide Web: Անգլերենի «w» տառի հրեական համարժեքը «waw» տառն է: Յուրաքանչյուր տառ իր համապատասխան թիվն ունի, իսկ հրեական այբուբենի մեջ «waw»–ին համապատասխանում է 6 թիվը:  Ստացվեց www–666։

Այսքան զուգադիպություններից հետո արի և մի հավատա 666 թվին։

Նյութը հրապարակման պատրաստեց Past.am-ը: