Լևոն Շիրինյան. «Ի՞նչ թիվ, երբ ՀՀԿ–ն իր կառավարման տարիներին կեղծել է ամբողջ վիճակագրությունը». «Փաստ»

«Փաստ» օրաթերթը գրում է.

Այս փուլում նոր իշխանության համար ամենաառաջնային հարցն արտահերթ խորհրդարանական ընտրություններ կազմակերպելն է: Նման կարծիք ունի քաղաքագետ Լևոն Շիրինյանը, ում հետ զրուցել ենք ներքաղաքական իրավիճակի, խորհրդարանում ծավալված տրամադրությունների ու կառավարության ծրագրի մասին: 

«Երրորդ հանրապետության ճահիճը պետք է ոչնչացվի, մենք պարտավոր ենք Չորրորդ հանրապետություն հիմնադրել, որը որակապես նոր պետականություն կլինի: Առանց լավ կազմակերպված ընտրությունների` Չորրորդ հանրապետություն չի կարող լինել: Կարծում եմ, այդուհանդերձ, վարչապետը պետք է փորձի ընտրությունները շուտ անցկացնել: Կառավարության ծրագրում նշված 1 տարվա ժամկետն այդքան էլ լավ չէ: Աշնանն անպայման պետք է ընտրություններ լինեն: Արտահերթ խորհրդարանական ընտրությունների ձգձգումն անթույլատրելի է: Իրենք ժամկետները նշելուց հաշվի են առնում ներքին զարգացումը, բայց պետք է հաշվի առնել, որ Իրան, ԱՄՆ, Իսրայել հարաբերություններն անընդհատ սրվում են: Եթե, ինչպես Սիրիայի դեպքում, Իրանի հետ գնացին առճակատման, մենք մեր կողքին անկայուն իրավիճակ կունենանք»,–«Փաստ»–ի հետ զրույցում ասաց քաղաքագետը:

Լևոն Շիրինյանի դիտարկմամբ` կառավարության կողմից ներկայացված ծրագիրը համահունչ է քաղաքական իրավիճակին: 

Ինչ վերաբերում է կառավարության ծրագրի առնչությամբ հնչած քննադատություններին` քաղաքագետը նախ շեշտեց, որ առողջ քննադատությունն, իհարկե, շատ կարևոր է: «Առողջ քննադատությունը միշտ պետք է հաշվի առնել: Բայց դա չի վերաբերում ՀՀԿ– ականների քննադատություններին: ՀՀԿ–ի քննադատության մեջ «յախիտնիություն» կար, առողջ ոչինչ չկար: Կառավարության ծրագրում թվերի բացակայության մասին խոսակցություններն անհեթեթ են, որովհետև ՀՀԿ–ն իր կառավարման տարիներին կեղծել է ամբողջ վիճակագրությունը: Իսկ երբ չկա օբյեկտիվ վիճակագրություն, կոնկրետ թվեր տալ հնարավոր չէ, դրա համար էլ տվել են զարգացման միտումները: Եթե վճակագրությունը կեղծ է, ինչպե՞ս թվեր ներկայացնել: Սա նման է մի իրավիճակի, երբ չգիտեք, թե գրպանում որքան գումար կա, բայց գնում եք կահույք գնելու: ՀՀԿ–ն կոմայի մեջ է, ինչն ակնհայտ դարձավ հունիսի 7–ի ԱԺ արտահերթ նիստում: Կարծում եմ` շունչները հեշտությամբ հետ չեն բերի: Բայց «շնչեն», «չշնչեն», այդ ուժը այլևս բարոյալքված է ու բարոյազրկված: Հասարակությունը տեսավ, որ նրանք 20 տարիների ընթացքում զբաղված են եղել կոռուպցիայով, կողոպուտով ու Հայաստանի թուլացմամբ, այդ պատճառով էլ արտագաղթի դեմ պայքար չկար: Ոլորտները քայքայել են, իսկ ժողովրդին կերակրել սերիալներով: ՀՀԿ–ն, մեծ հաշվով, դարձավ քաղաքական դիակ: Ցանկացած երկրում կարևոր է, որ լավ ընդմամբ, այդ պատճառով էլ արտագաղթի դեմ պայքար չկար: Ոլորտները քայքայել են, իսկ ժողովրդին կերակրել սերիալներով: ՀՀԿ–ն, մեծ հաշվով, դարձավ քաղաքական դիակ: Ցանկացած երկրում կարևոր է, որ լավ ընդդիմություն լինի, բայց ոչ թե թունավոր շոշափուկներ տարածող ընդդիմություն: Իրենց արածն ուրիշի էին վերագրում: Չկարողացան արձագանքել անգամ նախկին նախագահի եղբոր գործունեության մասին դիտարկմանը`«խոշոր եղջերավոր անասունների» մասով: Հաշվի առնելով այս ընթացքում հրապարակված նման բոլոր հայտարարությունները` Սերժ Սարգսյանը քրեական պատասխանատվության պետք է ենթարկվի, նա հակապետական գործունեություն է ծավալել: Այդ հարցը պետք է բարձրացվի»,– նշեց մեր զրուցակիցը:

Վերադառնալով կառավարության ծրագրին ու սպասելիքներին` Լևոն Շիրինյանը նշեց, որ Հայաստանը կայունանում է և արդիականացման գործընթացի մեջ է: 

«Վերաշինության հսկայական ծրագիր կա: Ինձ, սակայն, դուր չի եկել, որ կառավարության ծրագրում նշված չէր, որ Հայաստանի զարգացման գերակա նպատակը պետք է արդյունաբերությունը դառնա, թեև վարչապետն իր ելույթում լրացրեց` ասելով, որ արդյունաբերությունը պետք է զարգանա: Իմ խոսքը քարի արտադրության մասին է: Հայաստանն աշխարհում քարի վերամշակման, արդյունահանման և արտադրության լոկոմոտիվ կարող է դառնալ: Մենք բոլոր հնարավոություններն ունենք: Ըստ իս, ընդհանուր առմամբ, Հայաստանը վերադառնում է բնականոն զարգացման հուն: Վստահ եմ, որ մեկ–երկու տարվա մեջ իսկապես թռիչք կունենանք: Հոգեբանական թռիչքն ահռելի է, նյութականն էլ կլինի»,–եզրափակեց քաղաքագետը: