Գնել է բնակարան, վաճառել ավտոտնակ, հանձնել փոխառություններ. պաշտոնյայի «առօրյան»

ՀՀ կառավարության աշխատակազմի Ազգային ժողովի հետ կապերի վարչության պետ Ամալյա Ենգոյանը Բարձրաստիճան պաշտոնատար անձանց էթիկայի հանձնաժողովին է ներկայացրել իր՝ պաշտոնը ստանձնելու 2017 թ. հայտարարագիրը:

Ենգոյանը նախորդ տարի 26 միլիոն 535 հազար դրամով ձեռք է բերել բնակարան, իսկ 1 միլիոն 710 հազար դրամով էլ վաճառել ավտոտնակը: Դրամական միջոցները կազմել են 3128 ամերիկյան դոլար ու 8 միլիոն 500 հազար դրամ: Եկամուտներն էլ գոյացել են 9 միլիոն 373 հազար ու 117 հազար դրամ աշխատավարձերից, 2 միլիոն 188 հազար դրամ քաղաքացիաիրավական այլ պայմանագրերից ստացված եկամուտից, 320 հազար դրամ տրված փոխառությունների՝ վարկերի, դիմաց ստացված տոկոսից և որպես այլ եկամուտներ նշված 1 միլիոն 636 հազար դրամ գումարից:

Ենգոյանը նախորդ տարի զբաղվել է նաև փոխառությունների հանձնմամբ, մասնավորապես՝ տարեսկզբին հանձնել է 28 միլիոն 245 հազար և 3 միլիոն 500 հազար դրամ փոխառություններ: Առաջինն ամբողջությամբ նրան վերադարձվել է հարկային տարվա ընթացքում, իսկ երկրորդից միայն՝ 500 հազար դրամ:

 

ՔՐԻՍՏԻՆԱ ՏԵՐ-ՄԱԹԵՎՈՍՅԱՆ
Past.am