Կոնֆետ ու թանկարժեք կահույք՝ Մեղրիի գնումների պլանում

Սյունիքի մարզի Մեղրի քաղաքի համայնքապետարանը ներկայացրել է 2018 թվականի գնումների փոփոխված պլանը: Ֆինանսների նախարարության ՀՀ գնումների համակարգում ներկայացված փաստաթղթից Past.am-ը տեղեկանում է, որ Մեղրիի համայնքապետարանն ընթացիկ տարում պատրաստվում է 18040000 ՀՀ դրամ արժողությամբ գրասենյակային կահույք գնել:

Գնման մեկ անձից կատարվող ընթացակարգով համայնքապետարանը կգնի նաև 601 000 ՀՀ դրամ արժողությամբ ավտոպահեստամասեր:

Գնումների պլանում են նաև 12 տուփ կոնֆետ, որոնցից յուրաքանչյուրն արժե 5000 դրամ: Կոնֆետ գնելու համար, ընդհանուր առմամբ, կծախսվի 60 000 ՀՀ դրամ: 73 000 ՀՀ դրամ կծախսվի ևս 10 տուփ կոնֆետ գնելու համար: Այս դեպքում կոնֆետի մեկ տուփն արժե 7300 ՀՀ դրամ: Կգնեն նաև 15 000 դրամ արժողությամբ 5 տարի հնեցմամբ 10 շիշ կոնյակ:

Նվերների և պարգևների համար էլ գնումների պլանում նախատեսվել է 705 000 ՀՀ դրամ: Փաստաթղթում տեղ են գտել նաև կենցաղային մի շարք ապրանքատեսակներ:

Օրինակ, նախատեսվում է նաև 4 ջրատաքացուցիչ կաթսա գնել, որոնք ձեռք բերելու համար ընդհանուր առմամբ կծախսվի 260 000 ՀՀ դրամ: Կգնեն նաև խոհանոցի էլեկտրական 4 սալօջախ՝ ծախսելով 248 000 ՀՀ դրամ: Էլեկտրական կախովի 4 ջեռուցիչ գնելու համար էլ կծախսվի 1800000 ՀՀ դրամ:

Աննա Բադալյան

Այս թեմայով Քաղաքաշինության պետական կոմիտեն գրեթե մեկ միլիոնի մեդալ ու կրծքանշան կգնի 250 հազար դրամ՝ նախագահականի կայքը Արմեն Սարգսյանին «համապատասխանեցնելու» համար Միայն անցյալ տարի ՊՆ–ն 26 միլիոն դրամից ավելի բժշկական պարագաներ և դեղեր է գնել 47 միլիոն դրամ ԴԱՀԿ աշխատակցի բանկային հաշիվների վրա Ներկայացման տոմսերն ու Ամանորի նվերները՝ Ազատավան համայնքի գնումների պլանում