Գեղարքունիքում ձյան տակ կարտոֆիլի բերք չի մնացել

 Գեղարքունիքի մարզում հոկտեմբերի վերջին եւ նոյեմբերի առաջին օրերին ձյան տեսքով տեղումներ են եղել միայն Մարտունու տարածաշրջանում: Մինչեւ 2000 մետր բարձրություններում, ըստ համայնքներից ստացված տվյալների, ձյան շերտը կազմել է 2-3, 2500-3500 մետր բարձրություններում` մինչեւ 10 սանտիմետր: Ի բարեբախտություն Վարդենիսի տարածքի համայնքների երկրագործական տնտեսությունների, Վա րդենիսի տարածքում ձյուն չի տեղացել` հնարավորություն տալով տնտեսություններին անկորուստ հավաքելու դեռեւս դաշտերում մնացած կարտոֆիլի բերքը:

Ինչպես տեղեկացրեց Գեղարքունիքի մարզպետարանի աշխատակազմի գյուղատնտեսության եւ բնապահպանության վարչության պետ Վանիկ Հովհաննիսյանը, նոյեմբերի 2-ի առավոտվանից մոտ 100 հեկտար տարածքում առանձին համայնքների տնտեսությունները սկսել են կարտոֆիլի բերքահավաքը: «Առատ տեղումները Վարդենիսի տարածքի տնտեսություններին հոկտեմբերի ընթացքում խանգարեցին բերքահավաքը ժամանակին ավարտելուն: Հիմա մարդիկ ճարահատ կարտոֆիլը հանում են ցեխի միջից, դժվարին պայմաններում, բայց ուրիշ ելք չի մնուÕ ´: Մնացած տարածքներում կարտոֆիլի բերքահավաքն ամբողջությամբ ավարտվել է հոկտեմբերի երկրորդ կեսին: Դեռեւս չհավաքված 100 հեկտար ցանքերը նշանակում են մոտ 2000-2500 տոննա կարտոֆիլի համախառն բերք: Կարծում եմ, որ մոտակա մեկ շաբաթում տնտեսություններն ամբողջությամբ ու անկորուստ կհավաքեն կարտոֆիլի բերքը: Մարտունու տարածքում ձյան տակ մնացած մի քանի հեկտար կաղամբի բերքը ցրտահարություից չի տուժել եւ անկորուստ կհավաքվի առաջիկա մի քանի օրում»,-նշեց գյուղվարչության պետը: