Թուրքիայի մեջլիսը 82 կին պատգամավոր կունենա

Թուրքիայի Ազգային մեծ ժողովի ընտրությունների նախնական արդյունքներով` 26-րդ գումարման նստաշրջանում թուրքական մեջլիսը կունենա 82 կին պատգամավոր:

Վկայակոչելով թուրքական «Հուրիեթ» պարբերականը, այսպիսով կին պատգամավորները կկազմեն մեջլիսի պատգամավորների 15 տոկոսը:

Նոյեմբերի 1-ի խորհրդարանական արտահերթ ընտրություններից հետո 550 պատգամավորական մանդատ ունեցող թուրքական մեջլիսում իշխող «Արդարություն և զարգացում» կուսակցությունը կունենա 33 կին պատգամավոր, քեմալական Հանրապետական ժողովրդական կուսակցությունը՝ 22, քրդամետ Ժողովուրդների դեմոկրատական կուսակցությունը՝ 24, իսկ «Ազգայնական շարժում» կուսակցությունը՝ 3:

Ինչպես նախորդ, այնպես էլ այս գումարման նստաշրջանում կին պատգամավորների շարքում է հայազգի Սելինե Դողանը՝ առաջադրված քեմալական կուսակցության կողմից:

ԹԱՄԺ-ում կին պատգամավորների ռեկորդային թիվ էր գրանվել 2015 թվականին հունիսի 7-ի ընտրություններում՝ 97 պատգամավոր:

Նոյեմբերի 1-ին կայացած խորհրդարանական ընտրությունների նախնական հաշվարկներով՝ ընտրատեղամասերի 99,58 տոկոսի արդյունքներով՝ ձայների գերակշիռմեծամասնությունը՝ 49,41 տոկոսը ստացել է վարչապետ Ահմեդ Դավութօղլուի գլխավորած «Արդարություն և զարգացում» կուսակցությունը (ԱԶԿ): Ընդդիմադիրքեմալական Հանրապետական ժողովրդական կուսակցությունը (ՀԺԿ) ստացել է ձայների 25,38 տոկոսը (134 պատգամավոր), «Ազգայնական շարժում» կուսակցությունը (ԱՇԿ)՝ 11,93 տոկոսը (41 պատգամավոր) և քրդամետ Ժողովուրդների դեմոկրատական կուսակցությունը (ԺԴԿ)՝ 10,70 տոկոսը (59 պատգամավոր): Թուրքիայի մեջլիսումկլինի 3 հայ պատգամավոր՝ ԱԶԿ-ից, ՀԺԿ-ից և ԺԴԿ-ից: