Կործանված ինքնաթիռի բոլոր ուղևորները ՌԴ քաղաքացիներ են. գտել են 100-ի մարմինները

ՄԻՋԱԶԳԱՅԻՆ 31 Հոկտեմբեր, 2015 16:57

Շարմ էլ-Շեյխի օդանավակայանի ադմինիստրացիայից հայտնել են, որ կործանված ռուսական ինքնաթիռի բոլոր ուղևորները Ռուսաստանի Դաշնության քաղաքացիներ են: Ինչպես հաղորդում է «Արմենպրես»-ը, այս մասին տեղեկացնում է ռուսական ՏԱՍՍ գործակալությունը: Ինքնաթիռի ուղևորների ցուցակի հրապարակումից հետո հայտնի է դարձել, որ դրանում եղե լ են ռուսական Պսկով քաղաքի փոխքաղաքապետ Ալեքսանդր Կոպիլովը և նրա կինը:

Եգիպտոսի Սինայի թերակղզում ռուսական ուղևորափոխադրող ինքնաթիռի կործանման վայրում գտնվել են մոտ 100 մարդու դիակներ: Այս մասին տեղեկացնում է «ՌԻԱ Նովոստի»-ն: Ավելի վաղ լրատվամիջոցը տեղեկացրել էր, որ փլատակների տակից լսվում են մարդկային ձայներ: Ավիավթարի վայրում աշխատող փրկարարները հույս են հայտնել, որ կկարողանան գտնել փրկվածների: «Մենք հույս ունենք, որ կգտնենք փրկվածների հատկապես այն բանից հետո, ինչ լսեցինք ներսից մարդկանց ցավով լի ձայները»,- «Ալ-Արաբիա» հեռուստաընկերությունը մեջբերել է փրկարարներից մեկի խոսքերը:

Ռուսաստանի վարչապետ Դմիտրի Մեդվեդևի հանձնարարակով` երկու ժամից ՌԴ տրանսպորտի նախարար Մաքսիմ Սոկոլովն ԱԻՆ օդանավով կմեկնի Կահիրե:

Օդանավակայանի ղեկավարությունը քննիչներին է հանձնել բոլոր այն փաստաթղթերը, որոնք առնչվում են ինքնաթիռի տեխնիկական վիճակին, վառելիքի քանակին և ուղևորների թվին, որը գրանցվել է թռիչքից անմիջապես առաջ:

Շարմ էլ Շեյխից Սանկտ Պետերբուրգ թռչող ռուսական ուղևորափոխադրող ինքնաթիռի մասերը հայտնաբերվել են ԵգիպտոսիՍինայի թերակեղզու կենտրոնում: Եգիպտոսի անվտանգության ուժերը շրջափակման են առել ինքնաթիռի կործանման վայրը,Սինայի հյուսիսում գտնվող էլ-Արիշ քաղաքից դեպքի վայր են ուղարկ վել շտապօգնության 20 մեքենա: Եգիպտոսի վարչապետՇերիֆ Իսմայիլը չեղյալ է հայտարարել բոլոր ծրագրված այցերը Սինայի թերակղզում ռուսական քաղաքացիական ինքնաթիռիկործանման հետ կապված: Նա հայտնել է, որ իրադրությունը վերցնում է իր անձնական վերահսկողության տակ:

Ավելի վաղ Ռուսական ավիացիայի աղբյուրը հայտնել էր, որ Շարմ էլ Շեյխ-Սանկտ Պետերբուրգ թռիչքն իրականացնող Airbus-321ինքնաթիռը հոկտեմբերի 31-ի առավոտյան կորել է ռադարների էկրանից: Ինքնաթիռի տախտակամածին եղել է 217 ուղևոր (17-ըերեխա են) և անձնակազմի 7 անդամ: «Կոգալիմավիա» ավիաընկերությանը պատկանող ինքնաթիռն անհետացել էր թռիչքից23 րոպե անց: