Երևանում կստեղծվի ռուսական և հայկական բուհերի միություն

Երևանում նոյեմբերի 3-4-ը կանցկացվի երկկողմ ռուս-հայկական կոնգրես-միջոցառում՝ նվիրված գիտատեխնիկական և գիտակրթական համագործակցության  հեռանկարներին։

Ինչպես  «Արմենպրես»-ին տեղեկացրին Հայ-ռուսական (Սլավոնական) համալսարանից, միջոցառումների ծրագրով նախատեսվում է, որ ռուսական պատվիրակությունը կմասնակցի «Ռուսաստան.Հայաստան. Եվրասիական տնտեսական միություն. Միջտարածաշրջանային համագործակցության նոր հեռանկարներ» թեմայով 4-րդ ռուս-հայկական միջտարածաշրջանային համաժողովին և «Կրթության, գիտության և տեխնոլոգիաների ոլորտում ռուս-հայկական կապերի զարգացման» թեմայով ռուսական և հայկական բուհերի ռեկտորների համաժողովին։ Միջոցառման շրջանակներում պլա նավորվում է հրավիրել Բարձրագույն կրթության հայկական և ռուսական կազմակերպությունների միության առաջին նիստը։

Միջոցառման կազմակերպիչներն են ՌԴ և Հայաստանի կրթության և գիտության նախարարությունները, Ռուսաստանի Ի.Մ.Գուբկինի անվան նավթի և գազի պետական և Հայ-ռուսական համալսարնները: 

Միջոցառման մասնակցության համար հրավիրվել են ՌԴ և ՀՀ Կրթության նախարարությունների ներկայացուցիչները, ինչպես նաև Ռուսաստանի և Հայաստանի գիտական և կրթական կազմակերպությունների ղեկավարները։

Ծրագրվում է գործակցության մասին համաձայնագրերի ստորագրում նորարարական և գիտահետազոտական ոլորտներում, այդ թվում` գիտատեխնիկական գործունեության և տեխնոլոգիաների տրանսֆերի արդյունքների առևտրայնացման բնագավառում, ինչպես նաև պատրաստության, նախապատրաստման և մասնագետների որակավորման բարձրացման բնագավառում։