Այս տարվա խոշոր հարկ վճարողների տասնյակում ՀԷՑ-ը՝ 3-րդ տեղում է

Այս տարվա 11 ամիսների խոշոր հարկ վճարողների տասնյակը գլխավորում է «Գազպրոմ Արմենիա» ընկերությունը: Այս մասին լրագրողներին տեղեկացրեց ՀՀ ԿԱ պետական եկամուտների կոմիտեի Խոշոր և միջին հարկ վճարողների տեսչության պետ Արմեն Սաֆարյանը:

«Ընկերության վճարած հարկերը կազմել են 37.5 միլիարդ դրամ»,-ասաց Արմեն Սաֆարյանը:

Հունվար-նոյեմբեր ամիսների արդյունքում խոշոր ու միջին հարկ վճարողների տասնյակն ունի հետևյալ տեսքը.

1. «Գազպրոմ Արմենիա» ՓԲԸ
2. «Գրանդ Տոբակո» ՍՊԸ
3. «Հայաստանի էլեկտրական ցանցեր»
4. «Զանգեզուրի պղնձամոլիբդենային կոմբինատ»
5. «Ֆլեշ» ՍՊԸ
6. «ԳեոՊրոՄայնինգ Գոլդ» ՍՊԸ
7. «Ալեքս Հոլդինգ» ՍՊԸ
8. «Ինտերնեյշնլ Մասիս Տաբակ»
9. «ՄՏՍ Հայաստան» ՓԲԸ
10. «Վեոն Ամենիա» ՓԲԸ (Արմենթել)

Այս ընթացքում հարկային ընդհանուր մուտքերը կազմել են 483 միլիարդ դրամ, որը նախորդ տարվա նույն ժամանակաշրջանի համեմատ ավել է 39.9 միլիարդ դրամով կամ 9 տոկոսով, տեղեկացրեց ՊԵԿ պաշտոնյան: