Ինչպես պայքարել ախորժակի դեմ

Առաջին, երկրորդ և կոմպոտ, իսկ ձեզ դեռ ինչ-որ բան չի՞ բավականացնում։ Էլի՞ ինչ-որ համեղ բան եք ցանկանում ճաշակել։

Եթե դուք չեք կարողանում վերահսկել ձեր ախորժակը, ապա մենք կօգնեք ձեզ այդ գործում։ Ներկայացնում ենք մի քանի խորհուրդ, որոնք կաջակցեն ախորժակի սանձմանը։

 

 

Ուտել պետք է քիչ, բայց ճիշտ, համեղ և հիմնովին

Ինչպե՞ս պայքարել ախորժակի դեմ։ Դա այդքան էլ դժվար չէ, կարևորը՝ մի քանի կանոն իմանալն է։ Ուտելիքը, նախևառաջ, պետք է համեղ լինի և ձեզ հաճույք պատճառի։ Նույնիսկ շատ, բայց անհամ ուտելիք ընդունելու դեպքում, դուք չեք կշտանա։ Սովորաբար ախորժակը բացվում է երեկոյան, այդ իսկ պատճառով՝ սննդի հիմնական և առատ չափաքանակը պետք է ընդունել ժամը 16-17-ի սահմաններում։ Հենց այդպիսով դուք կարող եք խուսափել դեպի սառնատան գիշերային արշավներից։

Պատրաստեք, այսպես կոչված, ծանր ուտելիք։ Դրանում պետք է առկա լինեն ձեթ և կենդանական ճարպեր։ Եթե բանջարեղեն եք պատրաստում, ապա դրանում պետք է անպայման յուղ ավելացվի, հակառակ դեպքում ախորժակը էլ ավելի կբացվի։

Փորձեք պահպանել սննդի ընդհանուր ռեժիմը և նիհարելու համար նախատեսած հատվածական սննդակարգը։ Աշխատեք չչարաշահել նախուտեստները, դրանք նպաստում են ստամոքսահյութի էլ ավելի մեծ քանակով արտադրությանը։ Աշխատեք նաև սառնարանում չպահել «ինչ-որ համեղ մի բան»։ Այն գիտակցումը, որ մոտենալով սառնարանին կարով եք ձեզ ուրախացնել համեղ այդ պատառվ, ախորժակը գրգում է էլ ավելի։

Ջրի և ուտելիքի մեծ քանակով դուք լայնացնում եք ձեր ստամոքսը։ Որքան մեծ է ստամոքսը, այդքան ավելի հաճախ է ձեզ այցելում քաղցի զգացումը։ Կերեք փոքր ափսեներից և փոքր սպասքով․ այդես հագեցվածության զգացողությունն ավելի շուտ վրա կհասնի և երկար ժամանակ ձեզ չի անհանգստացնի։

Մի շեղվեք

Կարևորը՝ ինքնատիրապետումը չկորցնելն է։ Մի սնվեք հեռուստացույցի առջև, որպեսզի այն ձեզ չշեղի ուտելիքից։ Հայտնի է, որ հագեցվածության սահմանը ազդանշանի ձևով հասնում է ուղեղին, սակայն, երբ դուք մեքենայորեն եք ուտում, այդ ազդակը արգելակվում է։ Եթե հասկանում եք, որ արդեն կշտացել եք, մի խեղդեք ձեզ ափսեի մնացորդների հաշվին։

Ուտել պետք է դանդաղ՝ յուրաքանչյուր պատառը լավ ծամելով։ Դա նպաստում է ստամոքսահյութի արտադրությանը, ինչը նշանակում է, որ շուտով կկշտանաք։ Եթե ձեզ կթվա, որ քաղցած եք, ապա ինչ-որ բան ուտելուց առաջ մեկ բաժակ ջուր խմեք։ Շատերն են ծարավը շփոթում քաղցի հետ։ Եթե քաղցի զգացողությունն անցնում է, նշանակում է դուք պարզապես ծարավ էիք։

Շատերը սթրեսից և նյարդայնությունից ձերբազատվում են հենց ուտելու միջոցով։ Այդպես անել խորհուրդ չի տրվում, ավելի լավ է ձեզ հանգստացրեք մաքուր օդին զբասնելով կամ խոտաբույսերի թեյով՝ երիցուկով կամ անանուխով։

Ավելի քիչ ալկոհոլ և համեմունք

Մի տարվեք ալկոհոլով։ Այն միայն գրգռում է ախորժակը, այդ իսկ պատճառով՝ տոնական սեղանի շուրջ ուտելու ցանկություն է առաջանում։ Օրական կարելի է ընդունել կես լիտր բաց գույնի գարեջուր և 150 մլ կարմիր չոր գինի։ Համարվում է, որ հենց այս խմիչքների ոչ մեծ քանակություններն են (և դա շատ կարևոր պայման է) լավացնում մարսողությունը և օգնում «մեղմել» ախորժակը։

Է՞լ ինչպես պայքարել ախորժակի դեմ։ Քիչ աղ և սուր համեմունքներ օգտագործեք։ Դրանք ոչ միայն ծարավացնում են, այլև ախորժակ են գրգռում։ Սակայն կա համեմունքների հատուկ ցուցակ, որը կարելի է անվանել «կանգ առ ախորժակ»։ Ճիշտ է, դրանք սննդի հետ չեն ընդունվում, այլ պարզապես պետք է շնչել դրանց հաճելի բուրմունքը։ Այդպիսի համեմունքների թվին են պատկանում դարչինը (որի բույրը օգնում է նիհարել), վանիլը, անանուխը, կծու պղպեղը։

Աղբյուր` LADYNEWS.am