Հայ պաշտոնյաների զավակների բիզնեսները (լուսանկարներ)

Wnews.am-ը գրում է.

Հայաստանում ընդունված է համարել, որ յուրաքնչյուր բիզնեսի հետեւում կանգնած է պաշտոնյա, կամ էլ տվյալ բիզնեսի սեփականատերը պաշտոնյայի մտերիմն ու բարեկամն է։
Գործող ու նախկին հայ պաշտոնյաներից շատերն իրենց բիզնեսը ժառանգել են զավակներին։ Թե ում, ինչ է բաժին հասել, Wnews.am-ը ներկայացնում է ստորեւ։

Երևանի «Prince Princess» խանութ-սրահը պատկանում է Գագիկ Ծառուկյանի դստերը` Գայանե Ծառուկյանին։

Այս խանութում ներկայացված են փոքրիկների (0-14 տարեկան տղաների և աղջիկների) համար նախատեսված իտակալան և ֆրանսիական աշխարհահռչակ բրենդներ ներկայացնող տարբեր հագուստների, կոշկեղենի և աքսեսուարների հավաքածուներ:

Patchi-ի շոկոլադե նվերների խանութը պատկանում է Ուկրաինայում Հայաստանի արտակարգ եւ լիազոր դեսպան Անդրանիկ Մանուկյանի դստերը` երգչուհի Լուսինային։

Երեւանի կենտրոնում` Ամիրյան 4/7 հասցեում է գրանցված Արգամ Աբրահամյանին  պատկանող «Իմպերիում Պլազա» ՓԲԸ-ն։

ՀՀ երկրորդ նախագահ Ռոբերտ Քոչարյանի որդին`Սեդրակ Քոչարյանը, 2002 թվականից ի վեր զբաղվում է ձեռնարկատիրական գործունեությամբ և ներկայումս հանդիսանում է հիմնադիր, համահիմնադիր, տնօրենների խորհրդի անդամ և նախագահ մի շարք ընկերություններում, ինչպիսիք են “Փլեյ Սիթի” սպորտի և ժամանցի կենտրոնը ներկայացնող “ՖԱՍԹ ՔԱՐԹ” ՍՊԸ-ն, Հայաստանում “Տոյոտա” ընկերության պաշտոնական դիլեր “ՏՈՅՈՏԱ ԵՐԵՎԱՆ” ՍՊԸ-ն, մի շարք աշխարհահռչակ հագուստի բրենդեր ներկայացնող “ԳՐԻՏՏԻ” ՍՊԸ-ն:

Լևոն Քոչարյանը` Ռոբերտ Քոչարյանի կրտսեր որդին, 2008 թվականից հանդիսանում է “Նաիրի Ինշուրանս” ապահովագրական ընկերության բաժնետեր և խորհրդի անդամ:

Hetq.am կայքի տեղեկություններով, ՀՀ ՊՆ հատուկ հանձնարարությունների գծով գեներալ Հովիկ Օհանյանի որդին` Դավիթ Օհանյանը Վայոց ձորի մարզում հէկ է կառուցել:  Հէկը կառուցված է Հերմոն համայնքի վարչական տարածքում` Կարակայա գետի Այսաս վտակի վրա:

Լուսանկարում Հովիկ Օհանյանն է

ՀՀԿ-ական պատգամավոր Մհեր Սեդրակյանի որդին` Դավիթ Սեդրակյանը, չնայած երիտասարդ տարիքին, բավական լուրջ բիզնեսներ ունի։ Նա արտադրական, առեւտրային եւ սպասարկման ոլորտի գործունեություն իրականացնող «Դավիթ եւ Էլինա» ՍՊԸ-ի հիմնադիրը եւ 100% բաժնետերն է։ Միաժամանակ զբաղվում է հանքարդյունաբերությամբ եւ «ԴԻ ԷՅ Մայնինգ» ընկերության բաժնետերն է: Նաև Երևանի ավգանու անդամ է:

Երևաինի նախկին ոստիկանապետ Ներսիկ Նազարյանի որդին՝ Արմեն Նազարյանը՝ “Մոսկվիչկա” սուպերմարկետների ցանցի սեփականատերն է: Բացի այդ, նրան է պատկանում նաև “Վերանդա” ռեստորանը:

Շարունակությունը մեր հաջորդ հրապարակումներում։