ԱՄՆ-ում կնոջ մասնատված մարմինը հայտնաբերել են սառնարանում, մինչդեռ ամուսնու խոսքով՝ կինը ծննդաբերության ժամանակ է մահացել
ՄԻՋԱԶԳԱՅԻՆԱՄՆ Լենեքսա քաղաքում 34-ամյա տղամարդն իր երկու դուստրերի հետ թաքնվում էր փոքրիկ պահեստում, որտեղ շարժական սառնարանի մեջ պահում էր կնոջ անդամահատված մարմինը:
Ինչպես հաղորդում է Life.ru-ն, ներկայում Ջասթին Ռեյլը ճաղերի հետևում է գտնվում, սակայն նրան դեռևս մեղադրանք չի ներկայացվել կնոջ սպանության համար:
Տղամարդու գտնվելու վայրը բացահայտվել է, երբ բողոք է ստացվել, որ պահեստում ինչ-որ մեկն ապրում է: Երբ ոստիկանները ժամանել են պահեստ, ներսում հայտնաբերել են Ջասթինին և երկու երեխաներին, որոնցից մեկը 5 օրական է:
Ձերբակալությունից առաջ տղամարդը խնդրել էր ծանոթներից մեկին իրեն երկաթուղային կայարան տանել: Նրանք եկել էին երեխաների հետևից, և հենց այդ պահին էլ ժամանել է ոստիկանությունը: Ջասթինի ընկերոջ խոսքով՝ ինքը նկատել է, որ սառնարանից տարօրինակ շագանակագույն հեղուկ է հոսում:
Ջասթինը քննիչներին պատմել է, որ կինը մահացել է Միսուրիում ծննդաբերության ժամանակ: Նրան դեռևս երկու մեղադրանք է առաջադրվել՝ ոչ պատշաճ խնամք երեխաների նկատմամբ և դաժան վերաբերմունք: Տղամարդու համար 1 մլն դոլարի գրավ է սահմանվել:



