Հայտնիներ, որոնք ժամանակին ճաղերի հետևում են եղել (լուսանկարներ)

Tert.am-ը գրում է.

Թեև աշխարհով մեկ հայտնի ու սիրված լինելու փաստը մարդուն տալիս է բազում առավելություններ, այնուհանդերձ, երբ հերթը հասնում է օրենքին, ապա բոլորը դրա առաջ հավասար են` անկախ իրենց հայտնի լինելուց:

fishki.net կայքն ուշագրավ ֆոտոշարքով անդրադարձել է մի շարք առաջնակարգ աստղերի, որոնք կյանքում գործել են սխալներ ու որպես պատիժ՝ հայտնվել բանտում. 

Միշել Ռոդրիգես

Դերասանուհին ազատազրկվել է 180 օրով` Լոս Անջելեսում ոչ սթափ վիճակում մեքենա վարելու և ՃՏՊ-ի վայրը լքելու համար։

Lil’ Kim

Կին ռեփեր Lil’ Kim-ը տարբեր մեղադրանքների հիման վրա բանտում անցկացրել է մի քանի տարի։ Բացի այդ, նա ստիպված է եղել 50.000 դոլար տուգանք վճարել, ինչպես նաև դատապարտվել է 3 տարի պայմանական ազատազրկման:

Ուեսլի Սնայփս

Տաղանդավոր կինոդերասանը 3 տարվա ազատազրկման է դատապարտվել հարկային օրինախախտումների համար: 2010-2013թթ. նա իր պատիժը կրել է Փենսիլվանիայի բանտում:

Ռոբերտ Դաունի կրտսեր

1999թ. դերասանին դատապարտել են 3 տարվա ազատազրկման` թմրանյութերի չարաշահման համար:

Փոլ Մաքքարթնի

1980թ. «բիթլին» ձերբակալել են Տոկիոյի օդանավակայանում` իր մոտ մարիխուանա պահելու համար: Անազատության մեջ նա անցկացրել է մոտ 1 շաբաթ։

Փերիս Հիլթոն

2007թ. Փերիս Հիլթոնը ստիպված է եղել 45 օր անցկացնել ճաղերի հետևում` ոչ սթափ վիճակում մեքենա վարելու համար: