Էրդողան. «Թուրքիային ցանկանում են շրջապատել և սանձել, ինչպես առյուծին են հնազանդեցնում»

Թուրքիայի նախագահ Ռեջեբ Թայիբ Էրդողանը, մեկնաբանելով Անկարայի և Վաշինգտոնի փոխհարաբերությունների ճգնաժամը, իր երկիրը համեմատել է առյուծի հետ, որի ճիրանները պոկել–հանել են և ցանկանում են հնազանդեցնել:

«Բոլոր կողմերից ցանկանում են օղակի մեջ առնել Թուրքիան և հնազանդեցնել, ինպես առյուծին, որի ճիրանները պոկել–հանել են: Նրանք վարժվել են հին Թուրքիային և չեն ընդունում ուժեղ Թուրքիան: Թուրքիայի անկախությունը պաշտպանելու մեր վճռականությունը ինչ–որ մեկին խիստ անհանգստացնում Է»,– հայտարարել Է Էրդողանը՝ Անկարայում ելույթ ունենալով նահանգապետների առջև:

Նա Թուրքիայում ԱՄՆ–ի դեսպան Ջոն Բասսին մեղադրել Է այցագրային ճգնաժամ հրահրելու մեջ: «Այցագրերի հետ կապված ճգնաժամն ստեղծել Է ԱՄՆ–ի այստեղի դեսպանը: Անընդունելի Է, որ Ամերիկան իր համար ռազմարական առումով այնքան կարևոր երկրում, ինչպիսին Թուրքիան Է, նշանակել Է դեսպանի, որը պատասխանատու չԷ իր համար:

Նրանց ցանկացած գործողության մենք համարժեք պատասխան կտանք»,–հավելել Է Թուրքիայի նախագահը: ԱՄՆ–ի պետքարտուղար Ռեքս Թիլերսոնը հոկտեմբերի 11–ին Թուրքիայի արտաքին գործերի նախարար Մևլյութ Չավուշօղլուին խորը անհանգստություն Է հայտնել Անկարայում ԱՄՆ–ի դեսպանության աշխատակիցների և ԱՄՆ–ի քաղաքացիների ձերբակալման կապակցությամբ: Թիլերսոնն ընդգծել Է այն բանի անհրաժեշտությունը, որ Թուրքիայի կառավարությունը նրանց ներկայացված մեղադրանքների ապացույցներ տրամադրի:

Թուրքիայի և ԱՄՆ–ի հարաբերություններում ճգնաժամ Է սկսվել անցած շաբաթ Ստամբուլում ԱՄՆ–ի հյուպատոսարանի աշխատակից Մեթին Թոփուզի ձերբակալումից հետո:

Past.am