Զինված քաղաքացին ներխուժել է «Արմենիա» ԲԿ և անկանոն կրակոցներ արձակել

Մինչ «Արմենիա» բժշկական կենտրոնի անոթային բաժանմունքում անծանոթ անձը կրակոցներ է արձակել, այսօր հետազոտության համար ՔԿՀ-ից բուժկենտրոն տեղափոխված անձը, որը կալանավոր է, փորձել է դիմել փախուստի, սակայն դա կանխվել է:|

Այս մասին Tert.am-ին հայտնեց ՀՀ քննչական կոմիտեի նախագահի խորհրդական Սոնա Տռուզյանը: 

Նշենք, որ շրջանառվում է, որ կալանավորը «Բանդայի» հայտնի գործով անազատության մեջ գտնվող Դավիթ Գալստյանն է:

Սոնա Տռուզյանը չհաստատեց տեղեկությունը՝ ասելով, որ ստուգվում է:

ՔԿՀ-ի աշխատակիցներին և ոստիկաններին հաջողվել է վնասազերծել դատապարտյալի հիվանդասենյակ մուտք գործած անձին և  կալանավորին:

----------------------------------------

Երևանի «Արմենիա» բժշկական կենտրոնում այսօր կրակոցներ են հնչել: Tert.am-ի հետ զրույցում Ոստիկանության լրատվական ծառայությունից հայտնեցին, որ զինված քաղաքացին մուտք է գործել հիվանդանոց և 3–րդ հարկի հիվանդասենյակների մոտ կրակոցներ արձակել։

Ոստիկանությունից հայտնեցին, որ դեպքի վայր են մեկնել ու վնասազերծել քաղաքացուն, ապա բերման ենթարկել: Տուժածներ չկան, քննություն է կատարվում։

Նշենք, ինչպես տեղեկացնում էր Shamshyan.com–ը, ժամը 16։20-ի սահմաններում ինքնաձիգով զինված քաղաքացին ներս է մտել «Արմենիա բժշկական կենտրոնի անոթային բաժանմունք, որտեղ բուժում է ստանում կալանավորված մի քաղաքացի։

Ըստ կայքի՝ նշված անձը, ով ինքնաձիգը հիվանդանոց է մտցրել պայուսակի մեջ թաքցրած, 3-րդ հարկի հիվանդասենյակներից մեկում ոչ թիրախային անկանոն կրակոցներ է արձակել։ 
Բարեբախտաբար, զոհեր և վիրավորներ չկան։ 

Կալանավորին հսկող Ոստիկանության ծառայողները կարողացել են վնասազերծել կրակոցներ արձակողին, սակայն կալանավորը դիմել է փախուստի։ 

Կայքի տեղեկություններով՝ նրա փախուստը կանխվել է հիվանդանոցում ծառայություն կատարող Ոստիկանության ծառայողների և «Բրիգադ» անվտանգության ծառայության աշխատակիցների կողմից։

Նյութն ամբողջությամբ կարդացեք սկզբնաղբյուրում։