Ցորենի ցանքերը Գեղարքունիքում ընդլայնվում են

Գեղարքունիքի մարզի Ծովագյուղ համայնքում նախորդ տարվա համեմատ այս տարի աշնանացան ցորենի ցանքերն ավելացել են 100 հեկտարով: Ինչպես տեղեկացրեց Ծովագյուղի գյուղապետՎահրամ Գեւորգյանը, այս տարի Ծովագյուղում կատարվել է 300 հեկտար աշնանացան ցորենի ցանք, որը 100 հեկտարով գերազանցում է նախորÕ ¤ տարվա ցուցանիշը: Եվս 200 հեկտար 2016 թվականին կկազմի գարնանացանը, ինչ արդյունքում եկող տարի Ծովագյուղում բերքի տակ կլինի 500 հեկտար վարելահող:

«Այս տարի բերքի տակ ունեցել ենք 400 հեկտար վարելահող: Մեկ հեկտար գարու արտերից ապահովվել է` 20, մեկ հեկտար աշնանացան ցորենի արտերից` 35-40 ցենտներ բերք: Բնական է, որ տնտեսություններն արդեն նախապատվությունը տալիս են աշնանացանին: Ըստ պահանջարկի` տնտեսություններին ապահովում ենք պետության կողմից սուբսիդավորված սերմացուով եւ պարարտանյութերով, մատչելի գներով ծառայություններ մատուցող գյուղտեխնիկայով: Ոգեւոևրողն այն է, որ մեզ մոտ տարեցտարի ավելանում են մշակովի վարելահողերի ծավալները, անասնագլխաքանակը, գյուղատնտեսությունը մարդկանց համար դառնում է եկամտաբեր զբաղմունք: Հավատացած եմ, որ մոտակա տարիներին մեր հաշվեկշռում գտնվող 1150 հեկտար վարելահողերը, որոնք դեռ մի քանի տարի առաջ մնում էին անմշակ ու վերածվել էին արոտների կամ խոտհարքերի, աստիճանաբար եւ ամբողջությամբ կդառնան մշակովի»,- հավաստեց համայնքի ղեկավարը: