Լսել Սարգսյանին և հասկանալ հակառակը

Բազե 2017-ին Սերժ Սարգսյանի ունեցած ելույթն ու հարցուպաատսխանին հնչեցրած մտքերը վերջին օրերին բավական շատ մեջբերվեցին: Ելույթ ունենալով ոչ պաշտոնական հարթակում, ինչպես նաև սեփական կուսակցության սերնդափոխության բազայի միջոցով ինքդ քեզ հարց տալու հնարավորությունն օգտագործելով, Սերժ Սարգսյանը խոսեց թեմաների մասին, ասեց բաներ, որոնք միգուցե այլ միջավայրերում կաշկանդվում էր խոսել:

Խոսքն այդ թվում նաև Արցախում ռուսական խաղաղապահների տեղակայման մասին է, որի մասին խոսակցությունների հարցին Սարգսյանը պատասխանեց բացասական ՝ նշելով, որ այդպիսի հարց չեն քննարկել: Ինչու՞ կարիք եղավ խոսել այդ մասին, մանավանդ Պուտինի հետ առեղծվածային հանդիպումից հետո: Այդպիսի խոսակցություն եղե՞լ է, բայց Սարգսյանը փորձու՞մ է հակառակն ասել ՝ ժխտելով վերջակետ դնել այդ հարցի շահարկմանը: Թե այդպիսի հարց չի քննարկվել, բայց եղել է օրակարգում: Հարցերը բազմիմաստ են, բայց մի բան հստակ է, որ Բազե 2017-ում Սերժ Սարգսյանի պատասխանները միտումնավոր կերպով կամ մոռացության բերում փաստում են ռուսական կողմի ճնշումների մասին տարբեր տարիներին:

Խոսքը վերաբերում է թե Մաքսային միություն մտնելու մասին բանակցությունների հիշատակմանը, թե խաղաղապահների տեղակայման մասին տեղեկությունների ժխտմանը: Ստացվում է, որ 2013-ին Հայաստանի սեղանին դրված է եղել Մաքսային միություն մտնելու հարց, բայց այն թաքցվել է: Միաժամանակ ստացվում է, որ եղել է ռուս խաղաղապահների տեղակայման հարց օրակարգում, այն կա նաև այժմ, բայց այս անգամ չի քննարկվել:

Արտակ Ասլանյան