Նման սերիալ ստեղծող «տղեն»՝ ռեժիսորը, իրեն իրավունք է վերապահում ասել՝ «Եթե դու չես համբուրվելու, ուրեմն տեղ չունես մեր սերիալում». Նառա Սարգսյան

ԼԱՅՖ 30 Օգոստոս, 2017 13:34

Երեւանի Պատանի հանդիսատեսի թատրոնի դերասանուհի Նառա Սարգսյանը, ով «Արտավազդ 2016»-ում արժանացել է «Լավագույն երիտասարդ դերասանուհու» կոչմանը, Life.panorama.am-ի զրուցակիցն է: Նառան մեզ հետ զրույցում պատմել է հեռուստասերիալներում չնկարահանվելու պատճառների եւ վերջերս կայացած ամուսնության մասին:

-Նառա, բավականին երկար տարիներ է, ինչ աշխատում եք որպես դերասանուհի, բայց հեռուստաէկրաններին Ձեզ հազվադեպ կարող ենք տեսնել: Ինչո՞վ է պայմանավորված Ձեր այս գործելաոճը:

- Տարիների ընթացքում մեկ-երկու սերիալներում փորձել եմ ինձ, բայց միեւնույն է, հասկացել եմ, որ իմը թատրոնն է: Այս ընթացքում առաջարկներ եղել են, պատահել է անգամ, որ վիճել եմ ռեժիսորի հետ, երբ առաջին իսկ զրույցի ժամանակ ինձ հարց տվեց, թե կնկարահանվե՞մ արդյոք համբույրի տեսարանում: Գիտեք, ես թատրնում նման տեսարանում խաղացել եմ, դրա մեջ ոչ մի արտասովոր բան չեմ տեսնում, երբ արդարացված է ռեժիսորի խնդիրը, բայց երբ սերիալային ռեժիսորը առաջին իսկ հանդիպման ժամանակ քեզ այդ հարցն է տալիս, անմիջապես պարզ է դառնում, որ նա ուզում է հասկանալ, թե որպես դերասանուհի բարդույթներ ունե՞մ արդյոք: Միշտ պետք է հիշել, որ թատրոնի հանդիսատեսը խիստ տարբերվում է հեռուստադիտողից, նաեւ ռեժիսորները մեկ-մեկ մեր տեղական սերիալները խառնում են հոլիվուդյան ֆիլմերի հետ. նրանք պետք է հիշեն, որ բաց տեսարանում նկարահանվելու համար դերասանին համապատասխան պետք է վարձատրեն: Ես սկզբունքներ ունեցող դերասանուհի եմ, ու չեմ մոռանում, որ գործ ունեմ հայ հանդիսատեսի հետ: Այս խնդրից զատ, այսօրվա հեռուստասերիալների եւս մեկ լուրջ խնդիր է լեզուն, այստեղ մենք կարող ենք լսել երեւանյան փողոցային լեզու, որը երբեմն գռեհկության է հասնում, ինչը պարզապես անթույլատրելի է ինձ համար: Եվ նման սերիալ ստեղծող «տղեն»՝ ռեժիսորը, իրեն իրավունք է վերապահում անցածդ ճանապարհը մի կողմ դնելով ասել՝ «Եթե դու չես համբուրվելու, ուրեմն տեղ չունես մեր սերիալում»: Այս բոլոր հանգամանքներն էլ պատճառ են դառնում, որ չեմ նկարահանվում:

Շարունակությունը՝ այստեղ: