Վթար Ավանի խամերուկում. «Մերսեդեսը» բռնկվել է, իսկ «ԳԱԶել»-ում գտնվող ապակիները կոտրվել ու թափվել են ճանապարհին
ՀԱՍԱՐԱԿՈՒԹՅՈՒՆՀայաստանի ԱԻՆ-ում, օգոստոսի 29-ին, ժամը 06:23-ին ահազանգ է ստացվել, որ Երեւան քաղաքի Աճառյան եւ Ծարավ Աղբյուրի փողոցների խաչմերուկում տեղի է ունեցել ավտովթար, բախվել են «ԳԱԶել» եւ «Mercedes» մակնիշի ավտոմեքենաներ, «Mercedes» մակնիշի ավտոմեքենան այրվում է. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Mercedes E124» մակնիշի 06 OS 542 (վարորդ՝ 1959 թ. ծնված Ա. Կ.) եւ «ԳԱԶել» մակնիշի 916 LU 68 (վարորդ՝ 1982 թ. ծնված Ա. Ա.) համարանիշերի ավտոմեքենաները. «Mercedes E124» մակնիշի ավտոմեքենայի շարժիչի հատվածում հրդեհ է բռնկվել:
Հրդեհը մեկուսացվել է ժամը 06:25-ին, մարվել՝ 07:05-ին: Այրվել է «Mercedes E124» մակնիշի ավտոմեքենայի շարժիչը՝ մասամբ:
Ա. Կ.-ը հոսպիտալացվել է «Սուրբ Գրիգոր Լուսավորիչ» ԲԿ, որտեղ բժիշկները տուժածի առողջական վիճակը գնահատել են բավարար:
Փրկարարները փակել են գազի բալոնների փականները եւ հոսանքազրկել ավտոմեքենաները: «ԳԱԶել»-ի բեռնախցիկում գտնվող ապակիները կոտրվել են, թափվել ճանապարհի երթեւեկելի հատված. անհրաժեշտ է իրականացնել ճանապարհի լվացման աշխատանքներ:



