Սրճարանում սուրճ խմել ցանկացող պապիկը, ով գումար չուներ վճարելու համար

Տարեց տղամարդը գնում է խանութ-սրճարան՝ սուրճ գնելու համար:

-Ձեզ ի՞նչ սուրճ է պետք,- հարցնում է վաճառողը:
-Օ՜, ինձ ամենաէժանից է պետք,- պատասխանում է պապիկը:

-Ամենաէժանն արժե 15 ռուբլի: Կվերցնե՞ք:
-Այո՜, խնդրում եմ: Միայն ես այստեղ արագ կխմեմ և կգնամ:

-Լավ, հիմա կպատրաստեմ:

Մինչ խանութի աշխատողը սուրճ էր պատրաստում, պապիկը գրպանից հանեց մանրադրամները և սկսեց հաշվել:

-Աղջիկնե՜ր, ինձ մոտ 12 ռուբլի է, երեք ռուբլի չի հերիքում, ոչի՞նչ:

Սեղանին հայտնվեց մի բաժակ սուրճ, որից հետո վաճառողն ասաց.
-Պապի՛կ, սուրճը 15 ռուբլի արժե, ոչ թե 12: Լավ փնտրի՛ր, միգուցե ունենաս:

Տարեց տղամարդը նորից ստուգեց գրպանները և մանր չգտնելով՝ պատրաստվեց հեռանալ:

Խանութի մյուս աշխատակցուհին այդ պահին ասաց.
-Փաստորեն իզուր պատրաստեցի:

Տղամարդու այտերով արցունքներ հոսեցին, սակայն աղջիկը նրա արցունքները չտեսավ:

Մի երիտասարդ, ով նույնպես այդ պահին խանութ-սրճարանում էր, այլևս չկարողացավ իրեն զսպել: Նա լռեյլայն 50 ռուբլի դրեց սեղանին, բռնեց պապիկի ձեռքը և նրանք դուրս գնացին: Հանկարծ նա, կանգ առավ, պտտվեց և նայելով աղջիկների կողմը ասաց:

-Ես շատ կուզենամ, որ ձեր ծերությունն այնպիսի չքավորության մեջ անցնի, որ նույնիսկ ձեր գրպանում այդ 13 ռուբլին չլինի: Թքեմ ձեր երեսին,- բացականչեց երիտասարդը և պապիկի հետ դուրս եկավ:

Երիտասարդը տղամարդուն տարավ ռեստորան, որտեղ և՛ սուրճ, և՛ նախաճաշ հյուրասիրեց: