Լուսին Վարդանյան. «Մեր աղջկա ինքնավստահ խաղից ապշել էի». Bravo.am

Bravo.am-ը գրում է.

Դերասաններ Վահագն Խաչատրյանին, Լուսին Վարդանյանին ու նրանց դստերը՝ Ռուզաննային BRAVO.am-ը լուսանկարել է Սիրահարների այգում։ Երիտասարդ ընտանիքին սկզբում հանդիպեցինք դիմահարդարման սրահում, մինչ դերասանուհին դիմահարդարվում էր, փոքրիկն ակտիվ շփվում էր, փորձում ինքնուրույն հարդարվել ու սպասում էր ֆոտոշարքի ընթացքին եւ նույնիսկ խանդում էր, երբ ծնողներին առանց իրեն են լուսանկարվում։
 Սիրահարների այգին զույգի կյանքում առանցքային վայրերից մեկն է, հենց այստեղ է տեղի ունեցել նրանց հարսանեկան  ֆոտոշարքը, որը 2013 թվականին լուսանկարել է BRAVO.am-ը. «Երբ ես ու Վահագնը դեռեւս ընկերություն էինք անում, այս այգում հաճախ էինք լինում։ Տեսնելով լուսանկարվող հարս ու փեսաների՝ պլանավորում էինք, որ մենք էլ այստեղ կնկարվենք, կամ, տեսնելով մանկասայլակով զբոսնող մայրիկների, ասում էի՝ երբ բալիկ ունենանք, միասին կբերենք: Այս այգու հետ կապված մեր պլաններն իրականություն են դարձել: Երեւանի ամենասիրուն վայրերից է, կուզենայինք, որ նմանատիպ այգիները մեր քաղաքում ավելանան»։

Դրամատիկական թատրոնի դերասանուհին այս շրջանում նկարահանվում է Միացյալ Նահանգներում ցուցադրվող «Artn Shant» հեռուստաընկերության  «Ճակատագիր» սերիալում, որի պրոդյուսերն Արթուր Ապրեսովն է: Վերջերս նաեւ նկարահանվել է «Մեղրամիս» սերիալում, Հանրայինի «Կյանքը շարունակվում է» նախագծում։
Ամբողջական հոդվածը կարող եք կարդալ այստեղ: