15 պատճառ տարբեր իրավիճակներից փախչելու համար

ԼԱՅՖ 20 Հոկտեմբեր, 2015 20:57

Եթե հայտնվել եք նշված իրավիճակներից որեւէ մեկում, ուրեմն ուղղակի ճողոպրել է պետք այդտեղից։

Մարդիկ, որոնք ձեզ ցավ են պատճառում

-Բավակա՛ն է գուշակեք, թե ինչու են նրանք դա անում։ Ավելի լավ է, հարցրեք ինքներդ ձեզ, թե ինչու եք թույլ տալիս, որ դա տեղի ունենա։ Մի՛ լռեք, խոսե՛ք։ Պատասխա՛ն տվեք նրանց։ Երբեմն մեր տառապանքի պատճառը անգամ բռնությունը չէ, այլ այն, որ դրան ի պատասխան մենք լռում ենք եւ ոչինչ չենք ձեռնարկում։

Կեղծ սիրո վիճակ

-Եթե ձեր սիրելի անձնավորության սիրտը գողանում է ուրիշ մեկը, շնորհակալ եղեք ճակատագրին, որ դուք դա պարզել եք հիմա, այլ ոչ թե ավելի ուշ։ Ինչու՞։ Որովհետեւ այդ մարդը իրականում երբեք ձեզ չի սիրել. իսկական սերն այդքան էլ հեշտ չէ կործանել։ Մենք ստիպված ենք համակերպվել այն փաստի հետ, որ որոշ մարդիկ ավելի երկար են ապրում մեր սրտում, քան կյանքում։

Պրոկրաստինացիա (գործերը մշտապես վաղվան թողնելու հակում)

-Երբեմն մենք հարցեր ենք տալիս ոչ թե նոր բան իմանալու, այլ մեր իմացած պատասխանը հաստատելու համար՝ դրա հետ մեկտեղ թույլ հույս փայփայելով լսել, որ դա այդպես չէ։ Սակայն տարբեր մարդկանցից նույն պատասխանը լսելով՝ դուք միայն ձեզ եք վնասում։ Միակ պատասխանը, որն իրոք ձեզ պետք է, այն է, որ դուք պետք է ընդունեք ճշմարտությունը։ Դա ձեզ կօգնի վերջապես կողմնորոշվել կյանքի ուղին ընտրելու հարցում եւ շարունակել առաջ շարժվել։ Ձեր հոգուն շանս տվեք ապրել այն կյանքով, որը ձեզ համար կանխորոշված է եղել։ Բավական է անընդհատ տալ նույն հարցը. որոշու՛մ կայացրեք եւ սկսե՛ք գործել։

Անզսպություն

-Հավատալ ինչ-որ բանի, անգամ եթե դա ինքներդ դուք եք, նշանակում է կարողանալ սպասել։ Երբ մենք քայլում ենք հավատի ճանապարհով, լինում են պահեր, երբ ամեն ինչ շուրջը մահանում է, եւ մենք ցանկանում ենք ինչ-որ բան անել միայն նրա համար, որպեսզի ամեն ինչ ավելի արագ տեղի ունենա։ Մենք շատ ենք ուզում մի կողմ թողնել մեր հավատը եւ համբերությունը եւ փորձել մեզ համար ինչ-որ նոր բան ստեղծել՝ ընդ որում մոռանալով շուրջբոլորը նայել։ Հավատալ նշանակում է կարողանալ համբերել եւ սպասել։ Թեպետ մեր կյանքում ամեն բան չէ, որ գալիս է այնքան արագ, որքան մենք ցանկանում ենք։ Որպես կանոն՝ ամեն բան կատարվում է այնքան արագ, որքան դա հնարավոր է։

Նախապաշարումներ եւ կարծրատիպեր

-Եթե դուք առաջին հերթին դատում եք մյուսներին ըստ մաշկի գույնի եւ այլ արտաքին չափանիշների, ամենայն հավանականությամբ դուք այդպես էլ նրան չեք ճանաչի իրականում։

-Կարեւոր չէ, թե ձեզ կյանքը ուր կնետի՝ մեծ քաղաք, թե փոքրիկ ավան, դուք անպայման կհանդիպեք մարդկանց, որոնք իրենց կհամարեն բոլորից լավը, որոնք մտածում են, որ միայն ինչ-ինչ նյութական բարեկեցիկ պայմանների առկայությունն իրենց հարգարժան մարդ է դարձնում։ Բայց գործնականում այդ նյութական իրերն այդքան էլ շատ բան չեն նշանակում։ Շատ ավելի կարեւոր են անհատականությունը, սեփական արժանապատվություն եւ կամքի ուժը։ Եթե ձեզ հաջողվել է դա ունենալ, ապա երբեք ոչ մի բանի դիմաց մի՛ հրաժարվեք դրանից։ Մի՛ վաճառեք ձեր անհատականությունը։

Շտապողականությամբ ստեղծված անձնական հարաբերություններ

– Մի կառչեք հարաբերություններից, ինչպես որ քաղցածն է կառչում հացի չորուկից: Աշխատեք ձեզ վրա: Հասկացեք, թե որոնք են ձեր ուժեղ եւ թույլ կողմերը: Արեք դա, եւ վաղ թե ուշ կգրավեք իրոք հետաքրքիր մարդկանց ուշադրությունը, գուցեւ նրանց քաշեք ձեր կյանք:

Չափից մեծ սպասելիքներ

– Մարդկանց արհամարհանքով մի վերաբերվեք միայն նրա համար, որ նրանք կատարյալ չեն: Ավելի լավ է՝ հիացեք նրանցով, որ չեն փորձում կեղծ դիմակով հանդես գալ: Եվ վերջ տվեք ինքներդ ձեզ խաբելուն. Իրականում ձեզ պետք չեն կատարյալ ընկերներ, ծանոթներ, մտերիմներ: Ձեզ պետք են մարդիկ, որոնց կարող եք վստահել, լինել այնպիսին, ինչպիսին կաք, որոնց հաճելի է ձեր կողքին լինել, ինչպես եւ ձեզ՝ նրանց կողքին:

Մարդիկ, որոնք ասում են միայն այն, ինչ ուզում եք լսել

– Այո, շատ հեշտ է հավատալ նրան, ով ձեզ միայն հաճելի բաներ է ասում, որոնք դուք կուզեիք լսել: Բայց ջանացեք ոչ միայն լսել այդ բառերը, այլեւ հետեւել նրանց պահվածքին: Արարքները խոսքերից ավելի խոսուն են եւ միշտ ճշմարտությունն են ասում:

Նրանք, ովքեր ձեզ ուրիշներից պակաս արժանի են համարում

– Հիշեք, դուք պահեստային տարբերակ չեք: Դուք անհամեմատ ավելիին եք ունակ, քան պահեստային օդանավակայան կամ տաք ժիլետ լինելը, որին հենված այնքան հաճելի է լաց լինելը: Այո, անհնար է ինքդ քեզ համոզել, որ դադարես սիրել ինչ-որ մեկին, բայց դուք կարող եք ինքներդ ձեզ համոզել, որ ավելիին եք արժանի: Երբեք մի համաձայնեք երկրորդ տեղին: Ինչպե՞ս կարող եք ակնկալել, որ ինչ-որ մեկի համար կարող եք առաջին տեղում լինել, եթե ինքներդ ձեզ երկրորդ տեղում եք դնում:

Իրավիճակներ, որոնք ձեզ ստիպում են այնպիսին ձեւանալ, ինչպիսին չեք իրականում..

– Այս խելագար աշխարհում, որը փորձում է ձեզ կաղապարի մեջ մտցնել եւ դնել շրջանակի մեջ ամենադժվար մարտը՝ ինքը լինելու իրավունքի համար պայքարն է: Եվ մինչեւ չպայքարեք, շատերը ձեզ չեն սիրի դրա պատճառով: Նրանք արհամարհանքով կվերաբերվեն ձեզ, գուցե նույնիսկ՝ ատելությամբ, որովհետեւ դուք իրենց նման չեք: Բայց դա նորմալ է: Այն, ինչ ձեզ «ոչ էնպիսին» է դարձնում, ձեր իսկական ես-ն է:

Երկարատեւ իրավիճակներ կամ վիճակներ, որոնք դուք ատում եք

– Ավելի լավ է ՝անհաջողակ լինել սիրելի գործում, քան անել այն, ինչ տանել չեք կարողանում: Թույլ մի տվեք, որ իրենց երազանքից հրաժարվածները ձեզ էլ համոզեն նույնն անել: Լավագույն բանը, որ կարող եք անել, սեփական ինտուիցիային հետեւելն է: Ռիսկի դիմել: Չընտրել անվտանգ ու ձանձրալի տարբերակներ, որովհետեւ վախենում եք նրանից, ինչ կարող է պատահել: Հակառակ դեպքում ոչնչի չեք հասնի:

Պասիվություն

– Այս կյանքում թեկուզ մի քիչ արժեքավոր ամեն ինչի պետք է հասնել: Հաջողության վերելակ չկա, դուք ստիպված կլինեք աստիճան առ աստիճան բարձրանալ դեպի դա: Այնպես, որ, մոռացեք, թե դուք ձեզ ինչպես եք զգում եւ հիշեք, թե ինչի եք արժանի: Եվ ամենալավ ժամանակը՝ դուրս գալու սեփական պատյանից եւ աշխարհին ցույց տալու, թե ինչի եք արժանի, հիմա է: Ռիսկի դիմելու, սխալներ թույլ տալու եւ նորը սովորելու ժամանակն է: Այո, սար բարձրանալը հեշտ չէ, բայց երբ հասնեք գագաթին, կհասկանաք, որ արժեր չարչարվել:

Կասկածներ

– Երբ դառնաք ձեր լավագույն ընկերը, ձեզ համար ապրելն ավելի հեշտ կլինի: Հիշեք, միակ մարդը, ով ձեզ թույլ չի տալիս հասնել այն ամենին, ինչին դուք արժանի եք, դուք ինքներդ եք: Ձեզ միայն սեփական երեւակայությունն է սահմանափակում: Եվ դուք պարտավոր չեք ձեզնից բացի, որեւէ մեկին որեւէ բան ապացուցել:

Բացասական մտքեր

– Այո, երբեմն կյանքը աղբ է: Երբեմն այնքան ծանր է դառնում, որ առավոտյան չեք ուզում նույնիսկ վեր կենալ անկողնուց: Այնքան ուժասպառ եք լինում, որ ուզում եք լաց լինել: Բայց երբեմն կյանքն ուղղակի սքանչելի է լինում: Այնքան սքանչելի, որ ուզում եք ձեր շուրջը բոլորին ժպտալ: Այնպես որ, եթե ձեր կյանքում սեւ շրջան է սկսվել, ջանացեք պահպանել դրական տրամադրվածությունը եւ որքան հնարավոր է արագ հաղթահարել այն: Ինչո՞ւ: Որովհետեւ կյանքն արժե դրան: Ձեր երջանկությունն արժե դրան: Դուք դրան արժանի եք:

Աղբյուրը՝ NEWS.am STYLE