Ինչո՞ւ է վտանգավոր խոնավ լողազգեստով մնալը

Լողափ այցելելիս՝ մասնագետները խորհուրդ են տալիս միշտ ունենալ հավելյալ լողազգեստ ու փոխել լողազգեստը լողանալուց անմիջապես հետո՝ խոնավ շորով մնալը, նրանց խոսքով, ծայրաստիճան վտանգավոր է։ Հասկանանք, թե ինչու։

Բակտերիաներ

Լողազգեստի խոնավ կտորը չորանալիս ստեղծում է ջերմոցի էֆեկտ մաշկի վրա՝ դա ամենաբարենպաստ միջավայրն է բակտերիաների ակտիվությունը ավելացնելու համար։ Այսպիսով, մինչ դուք խոնավ լողազգեստով եք, բակտերիաները հեշտությամբ բազմանում են ձեր մաշկի վրա։ Այդ գործընթացը հատկապես ակտիվ է տեղի ունենում մաշկի ծալքերում, ազդրերի ներքին մակերեսին ու աճուկի մասում։ Ըստ նրա, թե ինչ բակտերիաներ են այնտեղ, դրանք կարող են տարբեր հիվանդությունների առաջացման պատճառ դառնալ։ Խոնավ լողազգեստով երկար մնալուց հետո կարելի է հեշտությամբ ձեռք բերել կանթասնկախտ կամ նույնիսկ սուր կոլպիտ։

Ուռոլոգիական խնդիրներ

 Բազմաթիվ նեֆրոլոգներ պնդում են, որ խոնավ լողազգեստը կարող է դառնալ հաճախակի սուր ցիստիտների պատճառ։ Բարձիթողի դեպքերում ինֆեկցիան կարող է բարձրանալ նաեւ մինչեւ երիկամներ։

Սնկեր

Լողափի ավազի վրա բավականին շատ սնկեր կան, որոնցով կարելի է «վարակվել», եթե ավազի վրա ոտնաբոբիկ քայլեք։ Այդ նույն պատճառով խորհուրդ չի տրվում խոնավ լողազգեստով նստել լողափի ավազին։ Եթե ուզում եք արեւայրուք ընդունել, ավելի անվտանգ կլինի մաքրել ձեր մարմնի վրայից ծովի ջուրը ու ավազը, չոր լողազգեստ հագնել ու պառկել մաքուր գորգի վրա։