ՍԴՀԿ-ն «այո»-ի քարոզարշավ կանցկացնի

Սոցիալ-դեմոկրատ հնչակյան կուսակցությունը կմասնակցի սահմանադրական փոփոխությունների հանրաքվեի քարոզարշավին` իր համակիրներին բացատրելով խորհրդարանական կառավարման համակարգի առավելությունն ու անհրաժշետությունը: Լրագրողների հետ հանդիպմանն այս մասին հայտարարեց ՍԴՀԿ հայաստանյան վարչության ատենապետ Նարեկ Գալստյանը` հավելելով, սակայն, որ չեն միանալու «այո»-ի ճակատի քաղաքական որևէ նախաձեռնության, այլ իրականացնելու են իրենց սեփական քարոզչությունը: «Հնչակյան կուսակցությունը «այո»-ի քարոզարշավի որևէ քաղաքական նախաձեռնության չի միանալու, ընդհանուր ֆորմատ չենք կազմելու: Բացի այդ` Հնչակյան կուսակցության համար առաջիկա հանրաքվեն լինելու է փորձնական շրջան 2017-ի խորհրդարանական ընտրություններին մասնակցելու համար: Մենք փորձելու ենք հասկանալ, թե որքան էլեկտորատ ուÕ �ենք, մեր խոսքը որքան կշիռ ունի մեր հասարակության համար: Մենք գնում ենք փորձնական քարոզարշավի ու ընտրության»,-ասաց Նարեկ Գալստյանը` ավելացնելով, որ առաջիկա երկու ամիսներին կլինել բոլոր մարզերում:

Նարեկ Գալստյանը հայտնեց նաև, որ մինչ 2017 թվականը տեղական ինքնակառավարման մարմիններում թեկնածու ունենալու պարագայում ևս պետք է մասնակցեն ընտրական գործընթացներին:

Անդրադառնալով հարցին, թե իրենց ընդդիմադիր քաղաքական ուժ հռչակելով, դժվար չէ «այո»-ի քարոզարշավ իրականացնել` Նարեկ Գալստյանը նշեց, որ, որպես երկարամյա պատմություն ունեցող քաղաքական կազմակերպություն, իրենք մշտապես կողմ են եղել կառավարման խորհրդարանական համակարգին և դրանում տեսնում են համակարգային փոփոխությունների գնալու առաջին քայլը:

ՍԴՀԿ ատենապետի դիտարկմամբ` «Ոչ»-ի հարթակում էլ այնպիսի քաղաքական ուժեր հավաքված չեն, որոնք բացառիկ ազդեցություն ունեն Հայասանի ներքին կյանքում: «Այնտեղ է Նախախորհրդարանը, որն ապրիլի 24-ին դարակազմիկ իրադարձություն պետք է կատարեր, բայց իր մոտ բացառապես չստացվեց, այնտեղ  է ՀԱԿ-ը, որը վերջին ընտրություններին հազիվ կարողացավ խորրդարան մտնել»,-նշեց Նարեկ Գալստյանը:

Դեկտեմբերի 6-ին Հայաստանում նշանակված է սահմանադրական բարեփոխումների հանրաքվեն: