Ամփոփվել են 2017թ. առաջին կիսամյակում հաշմանդամություն ունեցող անձանց խնդիրներին առնչվող Երևանի քաղաքապետարանի ծրագրերի արդյունքները

Երևանի քաղաքապետարանում տեղի է ունեցել հաշմանդամություն ունեցող անձանց հիմնահարցերով զբաղվող քաղաքային հանձնաժողովի հերթական նիստը, որը վարել է հանձնաժողովի նախագահ, Երևանի քաղաքապետի առաջին տեղակալ Կամո Արեյանը: Նիստին մասնակցել են Երևանի ավագանու անդամներ, աշխատակազմի համապատասխան վարչությունների պետեր, ինչպես նաև վարչական շրջանների սոցիալական բաժինների ղեկավարներն ու հանձնաժողովի կազմում ընդգրկված ՀԿ-ների նախագահները: Նիստի ընթացքում ամփոփվել են 2017թ. առաջին կիսամյակի աշխատանքների արդյունքները և նախանշվել մինչև տարեվերջ անելիքները: 

Ընդգծելով, որ հաշմանդամություն ունեցող անձանց խնդիրների լուծմանն ուղղված ծրագրերը գտնվում են Երևանի քաղաքապետ Տարոն Մարգարյանի մշտական հսկողության ներքո, հանձնաժողովի նախագահ, Երևանի քաղաքապետի առաջին տեղակալ Կամո Արեյանը նիստի մասնակիցներին նաև վստահեցրել է, որ բոլոր այդ ծրագրերը համայնքային բյուջեից ֆինանսավորվում են 100 տոկոսով:
Այնուհետ Երևանի քաղաքապետարանի համապատասխան վարչությունների պետերն ու հանձնաժողովի անդամ հասարակական կազմակերպությունների ղեկավարները համառոտ հաշվետվություն են ներկայացրել տարվա առաջին կիսամյակում իրականացված աշխատանքների վերաբերյալ: Ըստ այդմ, հաշվետու ժամանակահատվածում Երևանի քաղաքապետարանի կողմից մայրաքաղաքում շարունակվել են հատուկ կարիքներ ունեցող անձանց աջակցության բազմաբնույթ ծրագրերը` ենթակառուցվածքների մատչելիության, սոցիալական, առողջապահական, մշակութային, կրթական և բազմաթիվ այլ ոլորտներում: Մասնավորապես, կարևորվել է մայրաքաղաքի փողոցներն ու հասարակական նշանակության վայրերը թեքահարթակներով կահավորելու ծրագիրը, որը ոլորտի ՀԿ-ների հետ համագործակցությամբ շարունակվում է: Նշվել է, որ շարունակվելու է նաև հասարակական տրանսպորտի ավտոբուսների հատուկ վերելակներով կահավորման գործընթացը: Բացի այդ, նշվել է, որ հասարակական տրանսպորտում նախատեսվում է ներդնել կանգառների իրազեկման համակարգեր, իսկ 10 խաչմերուկների լուսացույցեր էլ կահավորել ձայնային ազդանշաններով:
Հաշմանդամների խնդիրներով զբաղվող ՀԿ-ների ներկայացուցիչներն էլ հատկանշել են, որ Երևանի քաղաքապետարանի հետ համագործակցությունն ավելի արդյունավետ է դառնում, ինչի վկայությունը կյանքի կոչված բազմաթիվ ծրագրերն են: ՀԿ-ների ղեկավարները հանդես են եկել նաև նոր առաջարկներով, որոնք հանձնաժողովի նախագահի և անդամների կողմից ընդունվել են ի գիտություն:
Հաշմանդամություն ունեցող անձանց հիմնահարցերով Երևանի քաղաքային հանձնաժողովի հաջորդ նիստը կկայանա հոկտեմբերին:

 

Երևանի քաղաքապետարանի տեղեկատվության 
և հասարակայնության հետ կապերի վարչություն

Երևանի քաղաքապետարանում տեղի է ունեցել հաշմանդամություն ունեցող անձանց հիմնահարցերով զբաղվող քաղաքային հանձնաժողովի հերթական նիստը, որը վարել է հանձնաժողովի նախագահ, Երևանի քաղաքապետի առաջին տեղակալ Կամո Արեյանը: Նիստին մասնակցել են Երևանի ավագանու անդամներ, աշխատակազմի համապատասխան վարչությունների պետեր, ինչպես նաև վարչական շրջանների սոցիալական բաժինների ղեկավարներն ու հանձնաժողովի կազմում ընդգրկված ՀԿ-ների նախագահները: Նիստի ընթացքում ամփոփվել են 2017թ. առաջին կիսամյակի աշխատանքների արդյունքները և նախանշվել մինչև տարեվերջ անելիքները: 

Ընդգծելով, որ հաշմանդամություն ունեցող անձանց խնդիրների լուծմանն ուղղված ծրագրերը գտնվում են Երևանի քաղաքապետ Տարոն Մարգարյանի մշտական հսկողության ներքո, հանձնաժողովի նախագահ, Երևանի քաղաքապետի առաջին տեղակալ Կամո Արեյանը նիստի մասնակիցներին նաև վստահեցրել է, որ բոլոր այդ ծրագրերը համայնքային բյուջեից ֆինանսավորվում են 100 տոկոսով:
Այնուհետ Երևանի քաղաքապետարանի համապատասխան վարչությունների պետերն ու հանձնաժողովի անդամ հասարակական կազմակերպությունների ղեկավարները համառոտ հաշվետվություն են ներկայացրել տարվա առաջին կիսամյակում իրականացված աշխատանքների վերաբերյալ: Ըստ այդմ, հաշվետու ժամանակահատվածում Երևանի քաղաքապետարանի կողմից մայրաքաղաքում շարունակվել են հատուկ կարիքներ ունեցող անձանց աջակցության բազմաբնույթ ծրագրերը` ենթակառուցվածքների մատչելիության, սոցիալական, առողջապահական, մշակութային, կրթական և բազմաթիվ այլ ոլորտներում: Մասնավորապես, կարևորվել է մայրաքաղաքի փողոցներն ու հասարակական նշանակության վայրերը թեքահարթակներով կահավորելու ծրագիրը, որը ոլորտի ՀԿ-ների հետ համագործակցությամբ շարունակվում է: Նշվել է, որ շարունակվելու է նաև հասարակական տրանսպորտի ավտոբուսների հատուկ վերելակներով կահավորման գործընթացը: Բացի այդ, նշվել է, որ հասարակական տրանսպորտում նախատեսվում է ներդնել կանգառների իրազեկման համակարգեր, իսկ 10 խաչմերուկների լուսացույցեր էլ կահավորել ձայնային ազդանշաններով:
Հաշմանդամների խնդիրներով զբաղվող ՀԿ-ների ներկայացուցիչներն էլ հատկանշել են, որ Երևանի քաղաքապետարանի հետ համագործակցությունն ավելի արդյունավետ է դառնում, ինչի վկայությունը կյանքի կոչված բազմաթիվ ծրագրերն են: ՀԿ-ների ղեկավարները հանդես են եկել նաև նոր առաջարկներով, որոնք հանձնաժողովի նախագահի և անդամների կողմից ընդունվել են ի գիտություն:
Հաշմանդամություն ունեցող անձանց հիմնահարցերով Երևանի քաղաքային հանձնաժողովի հաջորդ նիստը կկայանա հոկտեմբերին:

 

Երևանի քաղաքապետարանի տեղեկատվության 
և հասարակայնության հետ կապերի վարչություն