Նոր սկանդալ իսլամական աշխարհում

Ինչպես հայտնի է, վերջերս մեծ աղմուկ հանեց արաբական երկրների բոյկոտը Քաթարի դեմ: Քաթարին մեղադրեցին միջազգային ահաբեկչությանն աջակցելու մեջ և Սաուդյան Արաբիայի ղեկավարությամբ, խզեցին կապերն այդ երկրի հետ: Փաստացի, Արաբական լիգայի ու Իսլամական մի շարք երկրների կողմից, Քաթարն հայտնվեց մեկուսացման մեջ: Նման վարքագիծը սովորաբար բնութագրական չէ  արաբական երկրներին, հատկապես, եթե դրան իսլամի նույն  ուղղության մեջ են: Այստեղ կարող են դեր ունենալ ինչպես անձնային շահերը, այնպես էլ՝  տնտեսական գործոնը:

Բոյկոտից հետո, Քաթարին իրենց աջակցությունն հայտնեցին արևմտյան երկրները, իսկ Իրանի Իսլամական հանրապետությունը ուղղակի աջակցեց պարենով և առաջին անհրաժեշտության պարագաներով: Անշուշտ, շիա Իրանի այս վարքագիծը չէր կարող դուր գալ սուննի արաբական աշխարհին: Ու այսօր տեղեկություն տարածվեց այն մասին, որ հակաքաթարյան պայքարին փաստացի միանում է նաև Քուվեյթը, որը մինչ այդ կարծես լուռ էր:

Քուվեյթն Իրանի դեսպանին հանձնարարել է 48 ժամվա ընթացքում հեռանալ երկրից, իրանական աղբյուրներին հղումով գրում է Reuters-ը:

«Սաուդյան Արաբիայի միջամտող քաղաքականության եւ Իրանի միջամտության շուրջ անհիմն մեղադրանքների ճնշման տակ Քուվեյթը հայտարարել է, որ Ալիրեզա Էնայաթին` Քուվեյթում Իրանի դեսպանը, պետք է հեռանա երկրից 48 ժամվա ընթացքում»,- հայտնել է Իրանի ուսանողական լրատվական գործակալությունը:

Քուվեյթի որոշումը հետեւել է դատական հետաքննությանը, որից հետո պարզվել է, թե Իրանում իսլամական հեղափոխության պահապանների կորպուսը եւ շիայական Հզբոլլահն առնչութուններ ունեն Ալ Աբդալի ահաբեկչական խմբավորման հետ:

Արդեն փակվել է Քուվեյթում Իրանի դեսպանատան մշակութային ծրագրերի բաժինը: Հաղորդվում է նաեւ ռազմական կցորդին եւ դիվանագիտական ներկայացուցչության մի քանի աշխատակիցների եւս հետ ուղարկելու մասին:

Եկեք ընդունենք, որ հատկապես շեշտումը ՝ շիա ուղղություն, արդեն որոշակի լույս է սփռում այս իրադարձությունների վրա:Սակայն սա այն դեպքն է, որ Իրանին ուղղակի կամ անուղղակի կարող են օգնել արևմտյան երկրները, որոնք շահագրգռված չեն նոր կոնֆլիկտի օջախով ու ավելին՝  վիճակի անվերահսկելի լինելով: Սպասենք, թե ինչպես կզարգանա այս սկանդալը:

Մարիա Պախուցկայա