Զեկույց․ ԿԺԴՀ-ն հրապարակային մահապատիժներ է իրականացնում գետի ափերին, դպրոցական հրապարակներում ու շուկաներում
ՄԻՋԱԶԳԱՅԻՆՀյուսիսային Կորեան հրապարակային մահապատիժներ են իրականացնում գետի ափերին, դպրոցական հրապարակներում ու շուկաներում։ Մահապատժի են դատապարտվում այնպիսի մեղադրանքներով, ինչպիսիք են պղնձի գողությունը արտադրամասի մեքենաներից, Հարավային Կորեայի լրատվամիջոցների տարածումը ու մարմնավաճառությունը։ Այս մասին ասվում է Սեուլի TJWG ոչ կառավարական խմբի զեկույցում, որի հիմքում երկու տարվա ընթացքում հյուսիսկորեացի 375 փախստակների հարցումներն են։
Զեկույցում ասվում է, որ հրապարակային մահապատիժների համար արտադատարանական որոշումները հաճախ կախված են «վատ» ընտանեկան կապերից կամ կառավարական արշավից, որը կոչված է խոչընդոտել որոշակի վարքագծի։ Զեկույցի նպատակն է փաստագրել հրապարակային սպանությունների ու զանգվածային գերեզմանոցների գտնվելու վայրերը, ինչը մինչ այդ չի արվել, որպեսզի օգնեն միջազգային համայնքին պատասխանատվության կանչել նրանց, ովքեր մարդկության դեմ հանցագործություններ են գործել։
«Քարտեզները ու ցուցմունքները ստեղծում են տասնամյակներ շարունակ տեղի ունեցած չարաշահումների մասշտաբների պատկերը»,- նշվում է փաստաթղթում։



