14 խորհուրդ՝ ինչպես պահպանել սերը հեռավորության վրա

Wnews.am-ը գրում է .

Մենք չենք ուզում պատասխանել հարցին, հնարավոր է արդյոք պահպանել սերը, երբ հեռու եք միմյանցից, քանի որ այս հարցը հստակ պատասխան չունի: Ամեն ինչ կախված է իրար սիրող երկու մարդկանցից և շատ անհատական է: Իրար հակասող կարծիքներ կան, տարբեր մարդկանց փորձը տարբեր կարող է լինել , բայց ամենակարևորն այստեղ  սրտի ձայնին հետևելն է: Wnews.am-ը կներկայացնի մի քանի խորհուրդ, ինչպես բաժանման ժամանակ զարգացնել ներդաշնակ հարաբերություններ:  1.Շատ կարևոր է ամենօրյա շփումը, միմյանց կյանքի մի մասը լինելը: Օրվա ընթացքում օգտագործեք ամեն հնարավոր միջոցները շփվելու համար՝ զանգ, SMS-հաղորդագրություններ, Skype, էլեկտրոնային նամակներ: Պատմեք օրվա ընթացքում ձեր հետ պատահած իրադարձությունների մասին, որպեսզի հնարավորինս տեղյակ լինեք, թե ինչ է կատարվում միմյանց կյանքում:  2.Ամենասկզբում հասկացեք, թե ինչ եք ուզում ձեր հարաբերություններից, ինչին եք սպասում, ով եք դուք միմյանց համար: Գուցե զույգերից մեկի համար նրանք ուղղակի ծանոթներ են, ովքեր ջերմորեն շփվում են, եթե ազատ ժամանակ են ունենում, իսկ մյուսը հարաբերևություններից ավելին է ուզում և արդեն պատկերացրել է իրենց հարսանիքը: Այս հարցերը շատ բարդ է քննարկել, բայց հստակ իմանալով թե ինչ եք ուզում միմյանցից, ինչպես եք տեսնում ձեր հարաբերությունների ապագան, հետագայում կխուսափեք միմյանց նեղացնելու, չհասկացված լինելու զգացողությունից: 3Միաժամանակ ինչ որ բան արեք՝  միևնույն ֆիլմը նայեք, երաժշտությունը լսեք, Skype-ը միացրեք և ուտելու որևէ բան պատրաստեք միասին կամ կարդացեք միևնույն գիրքը: 4.Պահպանեք էմոցիոնալ կապվածություն. սա չի նշանակում ժամերով խոսել միմյանց հետ հեռախոսով, սա նշանակում է զգալ միմյանց ներկայությունը: Գրեք կարճ հաղորդագրություններ  ձեր երազանքների, հաջողությունների ու դժվարությունների մասին: Խորհուրդ հարցրեք միմյանցից: Ժամանակ առ ժամանակ գրեք երկար ռոմանտիկ նամակներ, բայց դրանք չպետք է շատ հաճախ լինեն, գրեք շաբաթը մեկ երկու անգամ, բայց այնպես, որ ձեր սիրելին հասկանա, դուք երկար մտածել եք ու գրել եք գեղեցիկ , ռոմանտիկ խոստովանություն՝ նրան ուղղված: 5 Հիշեք, որ այս հարաբերություններն ունեն իրեն դրական կողմերը, դուք ապրում եք ձեր կյանքով, իրականացնում եք ձեր երազանքները, շատ ժամանակ ունեք հարազատների և ընկերների համար, բայց միևնույն ժամանակ դուք ունեք սիրելի մարդ, ում մասին մտածում եք , ով ձեր մասին է մտածում ողջ ընթացքում: Դուք երկուսդ պահպանում եք ձեր անհատականությունը, ձեր կյանքի ռիթմը և միևնույն ժամանակ սիրում եք միմյանց:6.Մի փորձեք վերահսկել ձեր սիրելիին: Քանի դեռ դուք երկուսդ էլ հետաքրքրված եք ձեր հարաբերություններով, դուք պահպանելու եք դրանք, բայց եթե զույգերից մեկը որոշի, որ այդ հարաբերությունները նրան այլևս չեն գոհացնում կամ նրա կյանքում այլ մարդ հայտնվի, հարաբերություններն ավարտվելու են , անկախ նրանից բաժանում է նրանց օվկիանոս, թե ապրում են միևնույն տանը, միևնույն սենյակում:  7 Արեք ինչ որ բան միմյանց համար: Հնարավոր է դուք վաղուց ուզում էիք մարզասրահ գնալ, կամ համեղ պատրաստել սովորել, բայց ձեզ պակասում էր մոտիվացինա: Արեք դրանք հիմա հանուն ձեր սիրելիի, որպեսզի երբ հետո հանդիպեք, նա հաճելիորեն զարմանա: 8 Հիշեք, որ շատ բաներ ժամանակի ընթացքում ավելի են ամրապնդվում և ջերմ դառնում, այդ թվում հարաբերությունները: Հավատով լցվեք:   9Լավագույն հարաբերությունները փչացնելու լավագույն միջոցը անվստահությունն ու խանդն են:  Եվ նման բաներն անխուսափելի են, երբ դուք հեռավորության վրա եք:  Մի եղեք հիմար, աչք փակելով ակնհայտ դավաճանության փաստերի վրա, բայց մի էլ փնտրեք դրանք այնտեղ, որտեղ դրանք չկան: Եթե ձեր սիրելին գնացել է ընկերների հետ խնջույքի ուղղակի լավ ժամանց մաղթեք նրան, միանգամից  կասկածներով մի լցվեք, երբ նա ուշ է պատասխանում ձեր զանգին կամ հաղորդագրությանը: Հնարավոր է նա իրոք շատ զբաղված էր:   10.Պահպանեք լավատեսություն, թույլ մի տվեք, որպեսզի թեկուզ մի վայրկյան բացասական մտքերն ու զգացողությունները հաղթեն ձեզ: Ձեր լավատեսությունը փոխանցվում է նաև ձեր սիրելիին, դուք պետք է ուժ տաք միմյանց:  11Նվիրեք ձեր սիրելիին որևէ փոքրիկ իր, որը միշտ նրա հետ կլինի: Միայնության ժամերին դրանք կմխիթարեն նրան և երջանկության ու ապահովության զգացողություն կտան:  12Ներդաշնակ հարաբերությունները հեշտ չեն ստեղծվում, դա պետք է հասկանան երկուսն էլ: Այստեղ կարևոր է փոխադարձ վստահությունը, հարաբերություններից միևնույն սպասելիքները և համարձակությունը: Որոնք են ձեզ համար ամենակարևոր կետերը հարաբերություններում: Կազմեք ձեր ընդհանուր ցանկությունները և ստորագրեք դրանց տակ:   13Հիշեք, որ դուք կարևոր եք միմյանց համար և պատրաստ եք օգնել: Եթե բոլոր ձեր խնդիրենը դուք լուծում եք միայնակ, ապա դուք հարաբերությունների մեջ չեք: Խոսեք ձեր խնդիրների, անհանգստությունների մասին, օգնեք միմյանց ինչպես որ կարող եք:  14Մի կորցրեք սեքուալ ձգողությունը. Այո, եթե երկար ժամանակ միմյանց չեք տեսնում, հնարավոր է սեքսուալ ցանկություններն ընդհանրապես վերանան կամ հակառակը, միմյանց համար ավելի ցանկալի դառնաք:  Ամեն դեպքում կարևոր է, որ ձգողականությունը միմյանց հանդեպ չվերանա: