Քըրք Քրքորյանի կանայք. լուսանկարներ

ԼԱՅՖ 17 Հոկտեմբեր, 2015 17:22

Wnews.am-ը գրում է.

Միլիարդատեր, բարերար, Լաս Վեգասի հայրը համարվող Քըրք Քրքորյանը ամուսնացած է եղել չորս անգամ։
Նրա առաջին կինը եղել է մասնագիտությամբ ատամնաբույժ Հիլդա Սմիթը, ում հետ Քրքորյանն ապրել է 9 տարի։Ամուսնությունը տեղի է ունեցել 1943 թվականին։

Երկրորդ կինը, ում հետ Քրքորյանն ամուսնացել է 1955 թվականին, նախկին պարուհի Ջին Մարի Հարդին էր։

Այդ ամուսնությունից Քրքորյանն ունեցել է երկու դուստր Թրեյսիին և Լինդային։ 29 տարի անց Քրքորյանը կրկին ամուսնալուծվել է։

Լուսանկարում Թրեյսի Քրքորյանն է
Երրորդ ամուսնությունը տեւել է ընդամենը մեկ ամիս։ Նրա կինը թենիսիստուհի Լիզա Բոնդերն էր, ով Քըրքից փոքր էր 48 տարով։

Լիզան Քըրքի սիրուհին դարձավ 1986 թվականին, երբ Քրքորյանի հետ նոր էր ծանոթացել, սակայն Քըրքը չէր շտապում հարաբերություններն օրինականացնել։
Ի վերջո դա տեղի ունեցավ եւ տեւեց ընդամենը մեկ ամիս։
Ի դեպ, Բոնդերը հիշվում է որպես Քըրքի սկանդալային կին։

Նա պնդում էր, որ հենց Քըրքն է իր դստեր հայրը եւ երեխայի ապրուստի համար միլիարդերից ամսական չորս միլիոն դոլար պահանջում։
Երբ պարզվեց, որ երեխայի հայրը ոչ թե Քրքորյանն է, այլ Սթիվեն Բինգը, դատարանը որոշում կայացրեց, որ Քըրքը, ով փաստաթղթերով ճանաչվել է երեխայի հայր, մինչ երեխայի չափահասության տարիքը պետք է ամսական վճարեր 50 316 դոլար։
Չորրորդ անգամ Քըրք Քրքորյանն ամուսնացավ 98 տարեկանում։ Նրա ընտրյալը Ունա Դեւիսն էր, ում հետ նա մինչ պաշտոնական ամուսնության գրանցումն ապրել էր 8 տարի։

Հայտնի չէ, թե մահվանից հետո Քըրք Քրքորյանն իր նախկին կանանց որեւէ բան կտակել է, թե ոչ։ Հայտնի է, որ նրա ժառանգորդներն են հանդիսանում դստրերը Լինդան ու Թրեյսին եւ նրա վերջին կինը Ունա Դեւիսը։
«Կանայք մասնագիտության պես չեն` իրենք կարող են քեզ ընտրել: Այստեղ ընտրությունը երկկողմանի է (ժպտում է)»,- ասել է Քըրք Քրքորյանը:

Քրքորյանը նշանված է եղել նաև Ջոան Դենջերֆիլդի հետ, սակայն նրանք այդպես էլ չեն ամուսնացել։

Generated by IJG JPEG Library

Քըրք Քրքորյանը մահացել է այս տարվա հունիսի 15-ին։