Հիդրոմետ ծառայությունը հուլիսի 15-ին հակակարկտային կայանքներով ներգործության է ենթարկվել կարկտավտանգ 9 ամպ

 ՀՀ արտակարգ իրավիճակների նախարարության Հիդրոմետ ծառայությունը հուլիսի 15-ին 55 հակակարկտային կայանքներով ներգործության է ենթարկվել կարկտավտանգ 9 ամպ, կատարվել է 10 հազար 222 կրակոց:

Ինչպես «Արմենպրես»-ը տեղեկացավ ՀՀ արտակարգ իրավիճակների նախարարության պաշտոնական կայքից, ըստ ռադիոլոկացիոն տվյալների՝ կարկուտ է տեղացել Արագածոտնի մարզի Ապարան քաղաքի տարածքում, որը չի պաշտպանվում ՀՀ ԱԻՆ Հիդրոմետ ծառայության կողմից:

Հուլիսի 15-ին, ժամը 22:53-ից մինչև 23:11-ը ՀՀ ԱԻՆ Հիդրոմետ ծառայության հակակարկտային 2 կայանքներից Կոտայքի մարզի Արգել համայնքի տարածքում ներգործության է ենթարկվել կարկտավտանգ 1 ամպ, կատարվել է 281 կրակոց:

Հուլիսի 15-ին, ժամը 22:10-ից մինչև 22:30-ը ՀՀ ԱԻՆ Հիդրոմետ ծառայության հակակարկտային 18 կայանքներից Արագածոտնի մարզի Կարբի, Օհանավան, Արտաշավան, Սաղմոսավան համայնքների տարածքներում ներգործության է ենթարկվել կարկտավտանգ 1 ամպ, կատարվել է 2502 կրակոց:

Հուլիսի 15-ին, ժամը 19:13-ից մինչև 19:40-ը ՀՀ ԱԻՆ Հիդրոմետ ծառայության հակակարկտային 2 կայանքներից Լոռու մարզի Մեդովկա համայնքի տարածքում ներգործության է ենթարկվել կարկտավտանգ 1 ամպ, կատարվել է 400 կրակոց:

Հուլիսի 15-ին, ժամը 17:14-ից մինչև 19:50-ը ՀՀ ԱԻՆ Հիդրոմետ ծառայության հակակարկտային 33 կայանքներից Շիրակի մարզի Հայկավան, Վահրամաբերդ, Մայիսյան, Մայիսյան տրիո, Կամո, Հացիկ, Քեթի, Արևիկ, Գեղանիստ, Մեղրաշեն, Բասեն, Սպանդարյան, Փանիկ, Մանթաշ համայնքների տարածքներում ներգործության է ենթարկվել կարկտավտանգ 6 ամպ, կատարվել է 7039 կրակոց: