Նորա Գրիգորյանը՝ երկվորյակների խնամքի եւ սթրեսը հաղթահարելու մասին

Bravo.am-ը գրում է.

Ստանիսլավսկու անվան ռուսական դրամատիկական թատրոնի բեմադրիչ-դերասաններ Նորա Գրիգորյանն ու Էրվին Ամիրյանն իրենց երկվորյակների՝ Լիանայի եւ Կոնստանտինի հետ նոր ֆոտոշարք ունեն։ Երիտասարդ ընտանիքին լուսանկարել է նրանց մտերիմ լուսանկարիչ Հովիկ Կարապետյանը, որի առաջարկով էլ այն իրականացրել են Երեւանից դուրս՝ Ապարան տանող ճանապարհին։

Նորան BRAVO.am-ին է տրամադրել 10 ամսական երկվորյակների լուսանկարները եւ պատմել իր առօրյայի եւ երեխաների խնամքի բարդությունների մասին.«Առաջին անգամ էինք միասին Երեւանից դուրս գնում, փոքրիկներս ավտոմեքենայում երջանկությունից ծափ էին տալիս։ Տղաս ատամներ հանելու պատճառով անհանգիստ էր, իսկ աղջիկս հաճույքով լուսանկարվում էր։ Նա դեռ ատամներ չունի, սպասում ենք, որ միասին նշենք ատամհատիկի արարողությունը»։

Նորան թատրոնում մանկական նոր ներկայացում է բեմադրում՝ դանիացի հայտնի հեքիաթագիր Հանս Քրիստիան Անդերսենի «Արքայադուստրը սիսեռահատիկի վրա» հեքիաթի հիման վրա։ Փոքրիկներին մեկ անգամ թատրոն տարել է, բայց այժմ չի ցանկանում աշխատանքի վայր տանել.«Այդ օրը Էրվինը մանկական ներկայացում էր խաղում, կուլիսներում երեխաները դերասանների գրիմից վախեցան, Էրվինին էլ չճանաչեցին։ Օրական երկու-երեք ժամ թատրոնում զբաղվում եմ փորձերով, այդ ընթացքում տանը նրանց խնամում են սկեսուրս, մայրս կամ դայակը։ Կոծիկն ու Լյալյան արդեն սովորել են, որ տնից բացակայում եմ, բայց երեկոյան ժամերին պարտադիր զբոսնում ենք, առանց ինձ չեն քնում։ Կարող եմ ուրախությամբ նշել, որ սովորել են եղանակային փոփոխություններին, նույնիսկ օդափոխիչի առկայությամբ քնում են, քամու դեպքում էլ թեթեւ հագուստ են կրում. ինչպես սովորեցնեմ, այդպես էլ կմեծանան»։

 

Շարունակությունը՝այստեղ.