Սիրելիս գործարար է, շոու բիզնեսի հետ բացառապես կապ չունի. Լենա Ղազարյան

Life.panorama.am-ի զրուցակիցն է Լենա Ղազարյանը: Երգչուհին պատմեց, որ այս օրերին զբաղված է տարբեր համերգներով ու նոր երգով, որը բոլորովին վերջերս է գրել.

«Նոր երգ ունեմ՝ կրկին գեղեցիկ սիրո մասին: Հիմա գործիքավորման ընթացքի մեջ է, հնարավոր է, որ այն նաեւ տեսահոլովակ ունենա»,- նշեց երգչուհին:

Արդեն մեկ տարի է, ինչ Լենան ստեղծագործում է, իր խոսքով՝ այդ հատկությունն իր մեջ արթնացել է սիրահարվելուն զուգահեռ.

«Մեկ տարի առաջ սիրահարվեցի ու դրան զուհագեռ սկսեցի ստեղծագործել: Հիմա մուսան գալիս է եւ ուրախ, եւ տխուր պահերին, բայց հիմնականում կեսգիշերից հետո: Իհարկե, հասկանում եմ, որ մեր հարեւաններին խանգարում եմ, բայց շնորհակալ եմ նրանց, որ չեն սրտնեղում եւ չեն բողոքում: Վստահ եմ՝ իմ աշխատանքներով ուրախանում են»,- հավելեց Լենան:

Հետաքրքրվելով, թե ինչպես է երգչուհին ամառն անցկացնում եւ որտե՞ղ է կազմակերպելու հանգիստը, պատասխանեց.

«Այս տարի երկրից հաստատ չեմ մեկնի, քանի որ չեմ ուզում սիրելիիցս հեռու լինել: Փոխարենը` ժամանակ առ ժամանակ ընտանիքիս, ընկերներիս, սիրելիիս ու նրա ընտանիքի հետ միասին հաճախ ենք մեր ժամանցը կազմակերպում Հայաստանի սահմաններում: Երբ ժամանակդ անցկացնում ես սիրելիներիդ հետ, վայրն այլեւս կարեւոր չի լինում: Ի դեպ՝ սիրում եմ խաղաղ ու առանց աղմուկի անցկացնել հանգիստս, քանի որ տարվա ընթացքում հոգնում եմ աղմուկից»:

Ամիսներ առաջ Լենա Ղազարյանը հայտնեց անակնկալ նշանադրության մասին: Հարցինլ, թե երբ է զույգը պատրաստվում ամուսնանալ, նշեց.

«Նախ պետք է ասեմ, որ չնայած բուռն քննարկումներին, մենք ճոխ նշանադրություն չենք ունեցել, պարզապես սիրելիս ինձ մատանի է նվիրել՝ ի նշան մեր սիրո: Թե երբ կամուսնանանք, անկեղծ ասեմ՝ ինքս էլ չգիտեմ: Դեռեւս հստակ պլաններ չունենք, դրա համար ժամկետներ նշել կխուսափեմ»:

Շարունակությունը՝այստեղ.