Անկախ ամեն ինչից շարԺվել առաջ և հույսը դնել միայն քո և Աստծո վրա. Արտակ Ալեքսանյան

Ամանորին ընդառաջ  Citylife.am-ը զրուցեց Արտակ Ալեքսանյանի հետ, ով չնայած իր այդքան երիտասարդ լինելուն, կարողացել է վայելել հանրության հարգանքն ու սերը:

Citylife.am- Արտա´կ, սկզբում խոսենք Ձեր մասնագիտության ընտրության մասին: Ծնվել եք երաժիշտների ընտանիքում, և սերը դեպի երաժշտություն, բնական է,որ փոխանցվել է ծնողներից։ Կպատմեք, թե ինչպիսի՞ դեր ունի երգարվեստը Ձեր կյանքում և ո՞ր ոճն է հոգեհարազատ, ո՞ր Ժանրում եք ներկայանում:

Արտակ- Հայրս ու հորեղբայրս երաԺիշտներ են, և սերը դեպի երգ ու երաԺշտություն եկել է իրենցից, բայց բավականին ուշ ընտրեցի երգը: Սկզբում չէի կողմնորոշվում, ինձ թվում էր, թե երգն ու երաԺշտությունը իմը չեն, բայց արդեն մոտավորապես չորս տարի է, ինչ զբաղվում եմ երգով: Լսում եմ ցանկացած ոճի երաԺշտություն, ցանկացած լեզվով ըստ տրամադրության, բայց երգում եմ միայն մեր մայրենի լեզվով: Ամենահոգեհարազատը հայկական ժողովրդական երգերն են, առանց երգի ինձ չեմ պատկերացնում, բայց էստրադա նույնպես սիրում ու երգում եմ, ուղղակի ամենահոգեհարազատը Ժողովրդական-գուսանական երգն է:

Citylife.am- Ինչպես բոլոր երաժիշտների, այնպես էլ Ձեզ համար կարծում եմ՝ առաջին բեմելը հուզումնալից և անհանգստացնող է եղել: Ի՞նչ կպատմեք Ձեր առաջին բեմելի մասին:

Արտակ- Իմ կարծիքով չկա արտիստ, որ ինչ փորձառության, կամ տարիքի էլ լինի, բեմ բարձրանալուց չլարվի կամ չհուզվի և ես էլ բացառություն չեմ: Առաջին բեմելույթս հանդիսատեսի առջև եղել է դպրոցում, որտեղ առաջ սովորում էի: Ասեմ, որ ինձ մոտ այդ հուզմունքը շատ կար առաջ, երբ դեռ բեմի կուլիսներում էի: Հենց բարձրացա բեմ ու լսեցի ծափահարությունները, սկսեցի ինձ ավելի հանգիստ զգալ և առանց կաշկանդվելու երգել:Citylife.am- Յուրաքանչյուր բնագավառում ավագ և կրտսեր սերունդների բախում է տեղի ունենում։ Արդյոք զգու՞մ եք ավագ սերնդի ներկայացուցիչների աջակցությունը, թե՞ ընդհակառակը:

Արտակ– Ավագ սերնդից միայն աջակցություն եմ զգացել, ստացել և ստանում: Քանի որ, շատերին ճանաչում եմ, ամեն անգամ իրենց տեսնելիս կամ խոսելիս աշխատում եմ, ինչ-որ բան այսպես ասած քաղել և կարծում եմ՝ եթե ավագ սերնդի հետ շփումը չլիներ, հիմա ավելի քիչ բան կիմանայի երգարվեստի մասին. ուստի միայն ու միայն աջակցում են ինձ և ես անչափ շնորհակալ ու զգացված եմ: Իմ հերթին ամեն ինչ անում եմ, որ տարիներ հետո, ինչ-որ մեկին ես կարողանամ ինչ-որ բան տալ:

Citylife.am- Արտա՛կ, հայ երգիչ-երգչուհիները հաճախ ներկայանում են հանդիսատեսին հանրահայտ երգերի՝ այլընտրանքային (cover) տարբերակով, դուք էլ ունեք նման փորձ: Կա՞ն երգեր, որ կարող եք առանձնացնել ձեր կատարմամբ:

Արտակ– Քանի որ նշեցի միայն հայերեն լեզվով եմ երգում, ասեմ, որ Cover-ներ ունեմ հայկական էստրադային երգերից, որոնք շատ սիրվեցին հանդիսատեսի կողմից, բայց արտասահմանյան երգեր դեռ չեմ փորձել: Հուսով եմ՝ մի oր դա էլ կփորձեմ:Citylife.am- Ի՞նչ կասեք ART Studio-ի հիմնադրման և գաղափարի մասին:

Արտակ– Art studio-ն ձայնագրման studio է, և մինչև նրա ստեղծելն ու բացելն ասեմ, որ ունեի ևս մեկ studio, որտեղ բացի ինձնից, շատ ու շատ մարդիկ էին ձայնագրվում: Ուստի հայրիկիս հետ խորհրդակցելուց հետո, որոշեցինք ևս մեկ studio բացել, որը այսպես ասած կծառայի միայն ինձ և ստեղծեցինք Art studuo-ն, որն արդեն երկու տարի է ինչ գործում է:

Citylife.am- Բացի երգչի մասնագիտությունից ունե՞ք այլ մասնագիտության:

Արտակ– Այո´, ունեմ. նաև դերասան եմ: Երեք տարի սովորել եմ Image Art studio-ի դերասանական բաԺնում: Դերասանությունը նույնպես շատ սիրում եմ, բայց առաջինը ինձ համար երգն է:

Citylife.am- Արտակ ունե՞ք կարգախոս , որը ձեր կյանքի ուղեկիցն է :

Արտակ– Կարգախոսս` միշտ, անկախ ամեն ինչից շարԺվել առաջ և հույսը դնել միայն քո և Աստծո վրա:

Citylife.am- Հաշված օրեր են մնացել, որպեսզի հրաԺեշտ տանք 2016 թվականին: Արդյո՞ք տարին կարողացավ արդարացնել Ձեր բոլոր սպասելիքները:

Արտակ- Այո´, արդարացրեց սպասելիքներս: Թողարկեցի մի քանի երգեր և ամենակարևորը, որ ինձ համար ամենաթանկն է՝ ընտանիքս , առողջ է ու կանգնած է իմ կողքին, ընկերներս՝ նույնպես: Ամենա-ամենան, ինչ սպասում էի 2016-ից՝ կատարվել է:Citylife.am- Ինչպես ե՞ք պատրաստվում դիմավորել կրակե աքաղաղին և ի՞նչ սպասելիքներ ունեք նրանից:

Արտակ– 2017-ը, իհարկե, նշելու եմ ընտանիքիս հետ:

Citylife.am- Ստեղծագործական ինչպիսի՞ ակնկալիքներ ունեք 2017 թվականին:

Արտակ– 2017-ին սպասելիքներս ավելի մեծ են: Կթողարկեմ արդեն իմ առաջին տեսահոլովակը: Կաշխատեմ նույն ոգով, կթողարկեմ տարբեր երգեր և այլն:

Citylife.am- Եվ վերջում` ի՞նչ կմաղթեք գալիք տարում մեր հայ ազգին:

Արտակ- Կմաղթեմ մեր Ժողովրդին համբերություն, խաղաղություն և Ժպիտ, միայն Ժպիտ:

Citylife.am- Շնորհակալ եմ, Արտա´կ: Citylife.am-ի անունից շնորհավորում եմ Ձեր գալիք Ամանորն ու Սուրբ ծնունդը` ցանկանալով նորանոր հաջություններ: