Աշխարհի 10 ամենապահանջված տղամարդ մոդելները (լուսանկարներ)

ԼԱՅՖ 5 Հուլիս, 2017 22:05

«Մերօրյա ապոլոնները». ներկայում մոդելային բիզնեսում մեծ պահանջարկ ունեցող 10 տղամարդիկ:

Շոն Օ՛Փրայ

Շոնը երբեք չի երազել մոդելային կարիերայի մասին, բայց մի անգամ երիտասարդի լուսանկարը սոցկայքերից մեկում նկատել է մոդելային գործակալության տնօրենուհին ու անմիջապես աշխատանք առաջարկել:

Նիկ Բեյթման

Համաշխարհային կարգի մոդել, դերասան ու մարզիկ: Բեյթմանը 4 անգամ դարձել է կարատեի աշխարհի չեմպիոն ու արևելյան մարտարվեստների սեփական դպրոցն ունի:

Սերժ Ռիգվավա

Ծագումով գերմանացի Ռիգվավան ընդամենը 17 տարեկան է:

Մեթյու Թերի

Բարետես ամերիկացու մոդելային կարիերան սկսվել է մոր շնորհիվ: Թերիի մայրը որդու լուսանկարն ուղարկել է գեղեցկության մրցույթին, որտեղ հմայիչ երիտասարդը հաղթող է դարձել:

Ջոն Կորտախարենա

Բարձր հասակ, կանաչ աչքեր, մուգ մազեր, թավ հոնքեր ու գեղեցիկ դիմագծեր. այս բոլոր հատկանիշները ստիպում են դիզայներներին ու լուսանկարիչներին երազել Կորտախարենայի հետ աշխատելու մասին: Ի դեպ, նա համարվում է աշխարհի ամենաբարձր վարձատրվող մոդելներից:

Մառլոն Թեյշեյրա

Թեև 25-ամյա բրազիլացին իր մասնագիտական ոլորտում վաղուց է արժանացել աստղի կոչման, այնուհանդերձ, նա շարունակում է շատ համեստ ու անմիջական երիտասարդ մնալ:

Ռոբ Էվանս

Այս մոդելի գլխավոր առավելությունը 190 սմ հասակն է ու աթլետիկ կառուցվածքը: Նա զբաղվել է բռնցքամարտով ու մասնակցել «Թոփ մոդել ամերիկյան ձևով» հեռուստանախագծին:

Սայմոն Նեսման

Մի քանի տարի առաջ Նեսմանը ճանաչվել է աշխարհի ամենաբարձր վարձատրվող մանեքենը: Եվ դա ամենևին էլ զարմանալի չէ, քանի որ նա ունի տարբերվող արտաքին:

Չեդ Ուայթ

Ամերիկացի մոդելի խոսքով՝ ինքը երբեք չի մտածել այս աշխատանքի մասին, սակայն նրա աչքի ընկնող արտաքինը չէր կարող աննկատ մնալ: Այժմ Չեդը համատեղում է մոդելի աշխատանքը դերասանության և բարեգործության հետ:

Դևիդ Գանդի

Այս ամրակազմ ու հմայիչ բրիտանացին համարվում է Միացյալ Թագավորության ամենաազդեցիկ տղամարդկանցից մեկը, որն արդեն մի քանի տարի է, ինչ գլխավորում է աշխարհի ամենաբարձր վարձատրվող մոդելների ցուցակը: Ի դեպ, Գանդին արհեստավարժ ավտոմրցարշավորդ է, գրում է նորաձևության վերաբերյալ հեղինակային սյունակներ, ինչպես նաև ակտիվ զբաղվում է բարեգործությամբ: