Կատարի ԱԳ նախարարն արաբական հարեւաններին երկխոսության կոչ է արել

Կատարի ԱԳ նախարարը Մոհամեդ բին Աբդուլռահման ալ Թանին արաբական հարեւաններին երկխոսության կոչ է արել, հայտնում է AFP-ը ։

Ելույթ ունենալով  Լոնդոնի Chatham House վերլուծական կենտրոնում՝ նա նշել է, որ լրացուցիչ 48 ժամը, որը ԱՄԷ-ն, Եգիպտոսը, Սաուդյան Արաբիան ու Բահրեյնը տրամադրել են Դոհային իրենց պահանջների կատարման համար, սպառվում են, սակայն Կատարը շարունակում է երկխոսության կոչ անել, չնայած միջազգային իրավունքի խախտմանն ու շրջափակմանը, որը ակնհայտ ագրեսիա է ու բոլոր միջազհային պայմանագրերի խախտում։ «Մենք ողջունում ենք մեր հարեւանների հետ մեր տարաձայնությունների կարգավորման համար ցանկացած լուրջ ջանքեր»,- ասել է նա՝ հավելելով, սակայն, որ երկրները, որոնք շրջափակել են Կատարին, պետք է առաջին քայլը անեն դեպի երկխոսություն։

«Նրանք չպետք է մեզնից առաջին քայլն ակնկալենք, մե՛նք պետք է նրանցից առաջին քայլը ակնկալենք», - ասել է նա՝ չմանրամասնելով, թե Կատարը ինչպես է պատասխանել արաբական երկրների պահանջներին։

Նա Սաուդյան Արաբիային ու ԱՄԷ-ին Կատարի դեմ արշավ անցկացնելու մեջ ու հայտնել է, որ նրանք «պահանջում են, որ մենք մեր ինքնիշխանությունը զոհաբերենք հանուն շրջափակման վերացման»։

Նախարարը նշել է, որ Կատարը «երբեք սպառնալիքի տակ չի դրել տարածաշրջանի անվտանգությունը»։ Նրա խոսքով երկրները, որոնք մասնակցում են Կատարի շրջափակմանը, մեղավոր են «արտակարգ, չսադրված ու թշնամական գործողությունների» մեջ։ Ընդ որում ալ Թանին նշել է, որ Եվրոպան հասկանում է Կատարի շրջափակման ապօրինությունը։