Սևանա լիճը` Եվրոպայի 19 ամենացնցող և մատչելի հանգստյան վայրերի ցանկում
ԼԱՅՖPast.am-ը գրում է.
Սևանա լիճը ընգրկվել է Եվրոպայի 19 ամենացնցող ու մատչելի հանգստյան վայրերի ցանկում։ Ցանկը հրապարակել է միջազգային վճարային համակարգը, որտեղ տեղ են գտել Եվրոպայի ամենաքիչ հայտնի, բայց միևնույն ժամանակ առավել մատչելի ճանապարհորդական վայրերը: Այն պատրաստված է նրանց համար, ովքեր ցանկանում են իրենց ամառային հանգստի ժամանակ խուսափել և կտրվել հասրակությունից:
Ցանկը կազմվել է՝ հաշվի առնելով տեղի ճանապարհորդական բլոգերների զբոսաշրջության մեջ հայտնի փորձագետների տեղեկություններն ու կարծիքները: Վայրերը կազմվել են, հաշվի առնելով մի քանի կարևոր հանգամանք՝ գեղեցկություն, հանգստյան գոտիների գներ, հարմարավետություն, մարդաշատություն և քարտի վճարման ընդունման հարմարավետություն:
Հոդվածում նշվել է, որ չնայած այն հանգամանքին, որ Հայաստանը գեղեցիկ երկիր է, Հայաստանում զբոսաշրջությունը զարգացած չէ ու գներն էլ բավականին մատչելի են։
Հաշվի առնելով այն հանգամանքը, որ Հայաստանն առաջին երկիրն է, որ ընդունել է քրիստոնեությունը, ամենևին էլ զարմանալի չէ, որ այս երկիրը վանքերի բացօթյա թանգարան է:
Business Insider-ը խորհուրդ է տալիս Հայաստան այցելելիս անպայման գնալ Սևանավանք, որից հրաշալի տեսարան է բացվում դեպի աշխարհի ամենամբարձրադիր քաղցրահամ լճերից մեկը՝ չքնաղ Սևանա լիճը:



