5 պարզ միջոց համակարգիչը փոշուց և կեղտից մաքրելու համար

Փոշին մեր համակարգիչների հիմնական թշնամիներից մեկն է։ Անկախ նրանից, թե ինչքան ենք փորձում այն մաքուր պահել, օդում եղած փոշին, միևնույն է, հայտնվում է դրանում՝ խափանելով համակարգչի բնականոն աշխատանքը։ Մաքրեք մոնիտորը Փոշին մոնիտորից մաքրելու համար մարդիկ շատ հաճախ օգտագործում են սովորական չոր անձեռոցիկներ, սակայն դրանք չեն կարողանում հավաքել փոշին և փոքրիկ խազեր են թողնում մոնիտորի մակերևույթին։ Այդ անձեռոցիկների փոխարեն պետք է օգտագործել միկրոհյուսվածքից պատրաստված կտոր։ Շատ մարդիկ որպես մաքրող հեղուկ են օգտագործում ալկոհոլը, սակայն իրականում այն միայն վնասում է համակարգչին։ Լավագույն մաքրող հեղուկը ստանալու համար հավասար չափաբաժիններով իրար խառնեք ջուրն ու սպիտակ քացախը և թեթև խոնավեցնելով կտորը՝ մաքրեք համակարգիչը։ Հեռացրեք փոշին ստեղնաշարից Ստեղնաշարում կուտակված կեղտն ու փոշին կարելի է հեշտությամբ մաքրել սովորական վարսահարդարիչի օգնությամբ։ Պարզապես անջատեք համակարգիչը և վարսահարդարիչը թեքության տակ պահեք ստեղնաշարի վրա. օգտագործեք բացառապես սառը օդը։ Հեռացրեք փոշին դժվարամատչելի վայրերից Դա անելու համար կարելի է օգտագործել գնդաձև ներարկիչ-օդամղիչ։ Այսպիսի ներարկիչը կարող է օգնել ազատվել նույնիսկ ամենափոքր անցքերում կուտակված փոշուց։ Ընտրելիս վերցրեք առնվազն 0.4լ ծավալով ներարկիչ, քանի որ ավելի փոքրը չի կարող օդի բավականաչափ մեծ հոսք ստեղծել։